ભારે વરસાદના લીધે જનજીવન અસ્તવ્યસ્ત થઈ ગયું છે. ચોવીસે કલાક ધમધમતુ દુબઈ થંભી ગયું અત્યાર સુધીમાં વરસાદના લીધે ત્રણના મોત થયા હોવાના અહેવાલ છે. ભારે વરસાદ લીધે દુબઈની ગલીઓ જાણે નહેરો બની ગઈ હોય તેવી સ્થિતિ

દુબઈમાં ફરી પાછું વાવાઝોડું ત્રાટક્યું છે. તેના લીધે કેટલીય આંતરરાષ્ટ્રીય ફ્લાઇટ્સ રદ કરવી પડી છે. હજી પખવાડિયા પહેલા તો દુબઈમાંં અકલ્પનીય રીતે વાવાઝોડું ત્રાટક્યું હતું અને તેના લીધે કેટલાય દિવસો સુધી આ આરબ સિટી સ્ટેટનું જનજીવન થંભી ગયું હતું. નેશનલ ઇમરજન્સી ક્રાઇસીસ એન્ડ ડિઝાસ્ટર મેનેજમેન્ટ ઓથોરિટી આ સ્થિતિને પહોંચી વળવા તૈયારીઓ આદરી છે. 

આ ઉપરાંત હવામાનની ખરાબ સ્થિતિના પગલે ગૃહ મંત્રાલયે પોતે ભલામણ કરી છ કે ખરાબ હવામાનની સ્થિતિમાં કોઈ ઓફિસ જવા બહાર નીકળે, બને ત્યાં સુધી ઘરેથી વર્ક ફ્રોમ હોમ કરે. 

ઉપરાંત હજી પણ બે દિવસ ભારે વરસાદની આગાહી છે. તેના લીધે લોકોને બિનજરુરી ઘરની બહાર ન નીકળવાની સૂચના આપવામાં આવી છે. ખરાબ હવામાનની સંભાવનાને ધ્યાનમાંરાખતા દુબઈનું ગૃહમંત્રાલય એનસીઇએમએના સહયોગમાં કામ કરી રહ્યુ છે.

 સપ્તાહના બાકીના બધા દિવસ શૈક્ષણિક સંસ્થાઓ બંધ રાખવાનો આદેશ આપવામાં આવ્યો છે. ભારે વરસાદના લીધે જનજીવન અસ્તવ્યસ્ત થઈ ગયું છે. ચોવીસે કલાક ધમધમતુ દુબઈ થંભી ગયું છે.