યૌન શોષણ કેસમાં નવો વળાંક સાંસદ પ્રજ્વલ સાથે દેખાતી મહિલાનું અપહરણ, FIR દાખલ પીડિત મહિલા રેવન્નાને ત્યાં કામ કરી ચૂકી હતી

દીકરાએ નોંધાવેલી એફઆઈઆર અનુસાર તેની માતાનું અપહરણ કરી લેવામાં આવ્યું છે. ગુમ મહિલાના 20 વર્ષના દીકરાએ ગુરુવારે રાતે  મૈસૂર જિલ્લાના કે.આર.નગર પોલીસ સ્ટેશનમાં આ મામલે એફઆઈઆર નોંધાવી હતી. 

તેમાં કહેવાયું હતું કે તેની માતાને રેવન્ના પરિવારનો એક ઓળખીતો ફોસલાવીને લઇ ગયો. અપહરણ કરનારની ઓળખ સતીશ બબન્ના તરીકે થઇ હતી. આરોપ છે કે તેણે પ્રજવ્વલના પિતા અને જેડીએસ ધારાસભ્ય એચ.ડી.રેવન્નાના કહેવા પર મહિલાને પ્રજ્જવલ વિરુદ્ધ સાક્ષી પૂરતાં રોકવા માટે આવું કર્યું. ફરિયાદના આધારે પોલીસે એચ.ડી.રેવન્ના સામે અપહરણનો કેસ દાખલ કર્યો છે. 

સ્પેશિયલ ઈન્વેસ્ટિગેશન ટીમ (SIT) એ હાસનથી સાંસદ પ્રજ્વલ રેવન્ના વિરુદ્ધ શુક્રવારે સર્ચ ઓપરેશન હાથ ધર્યું. એક પીડિતાની દીકરાની ફરિયાદ બાદ આ એક્શન લેવામાં આવી હતી. અહેવાલ અનુસાર વાયરલ વીડિયોમાં રેવન્નાને એ મહિલાનું યૌન શોષણ કરતું જોઈ શકાય છે.