ગીર સોમનાથ જીલ્લામાં NDRFની એક ટીમનું આગમન . કમાન્ડર સહિત 30 જવાનોની ટીમ ખડેપગે. સાબરકાંઠા, બનાસકાંઠા, કચ્છ સહિતના ત્રણ જિલ્લાના વિવિધ તાલુકામાં દોઢ ઈચથી વધુ વરસાદ

ગીર સોમનાથ જીલ્લામાં NDRFની એક ટીમનું આગમન થયું છે. કમાન્ડર સહિત 30 જવાનોની ટીમ ખડેપગે. સાબરકાંઠા, બનાસકાંઠા, કચ્છ સહિતના ત્રણ જિલ્લાના વિવિધ તાલુકામાં દોઢ ઈચથી વધુ વરસાદ

ગુજરાતના અનેક જિલ્લાઓમાં ચોમાસું વરસાદની શરૂઆત થઈ ગઈ છે. ત્યારે બુધવારે વધુ કેટલાક તાલુકામાં દોઢ ઈચથી વધુ વરસાદ નોંધાયો હતો. સાબરકાંઠા, બનાસકાંઠા, કચ્છ સહિતના ત્રણ જિલ્લાના વિવિધ તાલુકામાં દોઢ ઈચથી વધુ વરસાદ પડ્યો હતો. આજે સવારે 6 વાગ્યાથી 8 વાગ્યા સુધીમાં 10 જિલ્લામાં વરસાદ નોંધાયો છે. 

જેમાં સૌથી વધુ અમરેલીના સાવરકુંડલામાં ચાર ઈંચ નોંધાયો છે. રાજ્યમાં છેલ્લા 24 કલાકમાં 114 તાલુકામાં વરસાદ નોંધાયો છે. જેમાં સૌથી વધુ પોશીનામાં ખાબક્યો છે. ત્યારે જાણો ક્યાં કેટલો વરસાદ નોંધાયો છે.ગુજરાતમાં વિવિધ જિલ્લામાં વરસાદને પગલે NDRFની 8 ટીમો રવાના કરવામાં આવી છે. જેમાં ગીર સોમનાથ જીલ્લામાં NDRFની એક ટીમનું આગમન થયું છે. કમાન્ડર સહિત 30 જવાનોની ટીમ ખડેપગે રહેશે. આ ટીમને ઉનાના દેલવાડા સાયકલોન સેન્ટર ખાતે તૈનાત કરવામાં આવી છે. ટીમ સાથે 4 બોટ, લાઇફ જેકેટ, દોરડા સહિતની વસ્તુઓ સાથે રખાઈ છે.

અમદાવાદ શહેરમાં વાદળછાયુ વાતાવરણ જોવા મળ્યું હતુ. અને ઉકળાટ-બફારા સાથે ગરમીનું પ્રમાણ યથાવત રહીને મહત્તમ તાપમાન 37 ડિગ્રી નોંધાયુ હતુ. ત્યારે આજે વહેલી સવારે શહેરમાં વરસાદી ઝાપટું વરસ્યું હતું. અને વરસાદી માહોલ પણ છવાયો છે. ગુજરાતમાં ગુરુવારે સવારના 6થી રાતના 8 વાગ્યા સુધીમાં સાબરકાંઠા, બનાસકાંઠા અને કચ્છના ત્રણ તાલુકામાં 40 કે તેથી વધુ મી.મી વરસાદ નોંધાયો હતો. સૌથી વધુ 46 મી.મી.વરસાદ સાબરકાંઠાના પોશીનામાં નોંધાયો હતો.