આજથી હાઇવે પર મોંઘી પડશે મુસાફરી લોકસભા ચૂંટણીનું મતદાન પૂરું થવાની સાથે જ NHAI એ દેશભરમાં આજથી એક્સપ્રેસ હાઈવે પરના ટોલ ટેક્સમાં ત્રણથી પાંચ ટકાનો વધારો લાગુ કર્યો

લોકસભા ચૂંટણીનું મતદાન પૂરું થવાની સાથે જ એનએચએઆઈએ દેશભરમાં સોમવારથી એક્સપ્રેસ હાઈવે પરના ટોલ ટેક્સમાં ત્રણથી પાંચ ટકાનો વધારો લાગુ કર્યો છે. દેશમાં લોકસભા ચૂંટણીના કારણે એપ્રિલમાં લાગુ થનારો ભાવ વધારો જૂન સુધી પાછો ઠેલવામાં આવ્યો હતો તેમ અધિકારીઓનું કહેવું છે. દેશમાં સોમવારથી 1100 ટોલ પ્લાઝા પર ટેક્સમાં ભાવ વધારો કરાયો છે. નવા દર રવિવારે રાતે 12 વાગ્યા પછીથી લાગુ થઈ ગયા છે . દેશમાં મોંઘવારીને અનુરૂપ ટોલ દરમાં વાર્ષિક ફેરફાર કરવામાં આવે છે.

ટોલ ટેક્સમાં વધારાથી આઈઆરબી ઈન્ફ્રાસ્ટ્રક્ચર ડેવલપર્સ અને અશોક બિલ્ડકોન લિમિટેડ જેવા ઓપરેટર્સને લાભ થશે. જોકે, વિપક્ષ અને વાહનચાલકોએ ટોલ ટેક્સમાં થયેલા વધારાની આકરી ટીકા કરી હતી અને કહ્યું કે, કે ટોલ ટેક્સમાં વધારાથી આવશ્યક ચીજવસ્તુઓના ભાવમાં વધારો થશે, જેના કારણે છેવટે સામાન્ય માણસો બોજ વધશે.