સૌરાષ્ટ્રના દરિયાકાંઠે અરબી સમુદ્રમાં વાદળોની જમાવટ અતિશય ભારે વરસાદની આગાહી હવામાન વિભાગની આગાહી ગુજરાતથી કેરલ વચ્ચે ટ્રોપ જારી છે તેના પગલે ભારે વરસાદના સંજોગો

સૌરાષ્ટ્રના દરિયાકાંઠે અરબી સમુદ્રમાં વાદળોની જમાવટ અતિશય ભારે વરસાદની આગાહી હવામાન વિભાગની આગાહી

સૌરાષ્ટ્ર-કચ્છમાં ચોમાસુ જોશીલુ બન્યું છે. પોરબંદર, દ્વારકા અને જુનાગઢ જિલ્લામાં અતિભારે વરસાદ વરસ્યો છે. 

આજે સૌરાષ્ટ્રના દરિયાકાંઠે અરબી સમુદ્રમાં વાદળોની જમાવટ સાથે સેકલોનિક સર્ક્યુલેશન સર્જાયું છે. આ ઉપરાંત ગુજરાતથી કેરલ વચ્ચે ટ્રોપ જારી છે તેના પગલે ભારે વરસાદના સંજોગો હજુ યથાવત્ છે. આજે (20મી જુલાઈ) પણ ભારે વરસાદની ચેતવણી આપવામાં આવી છે.

સૌરાષ્ટ્રનો દરિયો ગાંડોતૂર થશે દરિયાકાંઠે 55થી 65 પ્રતિકલાકની ઝડપે પવન ફૂંકાશે. દેવભૂમિ દ્વારકા, દીવ, ગીર સોમનાથ, પોરબંદરના દરિયામાં 15 ફૂટ ઊંચા મોજા ઉછળતા રેડ એલર્ટ જાહેર કરવામાં આવ્યું છે. આગામી ચાર દિવસ સુધી સૌરાષ્ટ્ર સહિત સમગ્ર ગુજરાતમાં 75 ટકાથી વધુ વિસ્તારોમાં સચરાચર વરસાદનું પૂર્વાનુમાન છે.

અતિશય ભારે વરસાદના પગલે જિલ્લા વહીવટી તંત્રએ આજે દેવભૂમિ દ્વારકા જિલ્લામાં તમામ પ્રાથમિક શાળાઓમાં શિક્ષણ કાર્ય બંધ રાખવા નિર્ણય લેવાયો છે. વિદ્યાર્થીઓ સ્કૂલે જઈને ભારે વરસાદમાં અટવાય નહીં તે અન્વયે આ નિર્ણય લેવાયો છે.

હવામાન વિભાગ અનુસાર, આજે (20મી જૂલાઈ) સુરત, વલસાડ, નવસારી, રાજકોટ, પોરબંદર, જુનાગઢ, અમરેલી, દેવભૂમિ દ્વારકા અને ગીર સોમનાથમાં અતિભારે વરસાદની શક્યતા છે. જ્યારે જામનગર, ભાવનગર, કચ્છ અને દીવમાં પણ હળવાથી મધ્યમ વરસાદની શક્યતા છે. વરસાદ સાથે તીવ્ર પવન અને ગાજવીજ પણ રહેશે.

સંઘ પ્રદેશ દમણ અને દાદરાનગર હવેલીમાં પણ આજે અત્યંત ભારે વરસાદને લઇને હવામાન વિભાગે રેડ એલર્ટ જાહેર કર્યુ છે. તો પ્રવાસન સ્થળ દીવમાં પણ ભારે વરસાદનું ( rain heavy) અનુમાન છે. સૌરાષ્ટ્રના છ જિલ્લામાં આજે વરસાદનું ઓરેન્જ એલર્ટ જાહેર કરવામાં આવ્યું છે. દેવભૂમિ દ્વારકા, પોરબંદર, જૂનાગઢ, રાજકોટ, અમરેલી અને ગીર સોમનાથમાં ભારેથી અતિભારે વરસાદ (rain heavy) વરસી શકે છે..

રાજ્યના નવ જિલ્લાના છુટાછવાયા સ્થળોએ ભારે વરસાદની આગાહીને પગલે હવામાન વિભાગે યલો એલર્ટ જાહેર કર્યુ છે.કચ્છ,જામનગર, ભાવનગર, સાબરકાંઠા અને અરવલ્લીમાં વરસાદનું યલો એલર્ટ છે. તો દક્ષિણ ગુજરાતના ચાર જિલ્લામાં ભારે વરસાદનું યલો એલર્ટ જાહેર કરવામાં આવ્યું છે. .. ભરૂચ, નર્મદા, તાપી અને ડાંગ જિલ્લામાં છુટાછવાયા સ્થળોએ વરસાદની શક્યતાને જોતા યલો એલર્ય જાહેર કરવામાં આવ્યું છે.