AMC અને હવામાન વિભાગ સામ-સામે ગરમી પર આપેલા એલર્ટને લઈને થયો વિવાદ હવામાન વિભાગે આ રેડ એલર્ટને સમર્થન ન આપતા વિવાદ. હવામાન વિભાગ દ્વારા ફક્ત ઓરેન્જ એલર્ટ અપાયું હોવાનું જણાવવામાં આવ્યું

AMC અને હવામાન વિભાગ સામ-સામે

અમદાવાદમાં ગરમીનો પ્રકોપ પાંચમા દિવસે પણ યથાવત છે. અને પારો 44 ડિગ્રીને પાર પહોંચી ગયો છે. ત્યારે શહેરમાં ગરમી મામલે આપવામાં આવતા એલર્ટને લઈને મ્યુનિસિપલ કોર્પોરેશન અને હવામાન વિભાગ વચ્ચે વિવાદ સામે આવ્યો છે. અમદાવાદમાં છેલ્લા પાંચ દિવસથી આકરા તાપ અને લૂને કારણે લોકો ત્રાહીમામ પોકરી ગયા છે. 

ત્યારે મ્યુનિસિપલ કોર્પોરેશન દ્વારા 24 તારીખ સુધી શહેરમાં રેડ એલર્ટ આપવામાં આવ્યું છે. જો કે હવામાન વિભાગે આ રેડ એલર્ટને સમર્થન ન આપતા વિવાદ ઉભો થયો છે. હવામાન વિભાગ દ્વારા ફક્ત ઓરેન્જ એલર્ટ અપાયું હોવાનું જણાવવામાં આવ્યું હતું.

તો બીજી તરફ મ્યુનિસિપલ કોર્પોરેશનના આરોગ્ય વિભાગનાના ઉચ્ચ અધિકારીએ સત્તાવાર રીતે મીડિયા સમક્ષ રેડ એલર્ટ અપાયું હોવાનું સ્વીકાર્યું છે.

હવામાન વિભાગ દ્વારા 44 ડિગ્રીથી કરતા વધુ પણ 45થી ઓછી ગરમીનો ઉલ્લેખ કરી ઓરેન્જ એલર્ટ આપ્યા હોવાની વાત પર મક્કમ છે જ્યારે AMC 45 ડિગ્રીના તાપમાનના ઉલ્લેખને લઇ રેડ એલર્ટ પર મક્કમ છે. અમદાવાદ મ્યુનિસિપલ કોર્પોરેશન દ્વારા એક પ્રેસનોટ પણ જાહેર કર છે. 

જેમાં હવામાન વિભાગનો ઉલ્લેખ કરીને આગામી 24 તારીખ સુધી રેડ એલર્ટ આપવામાં આવ્યું છે. જો કે હવામાન વિભાગ આવી રેડ એલર્ટ વાળી કોઈ પ્રેસનોટ રિલીઝ ન કરાઈ હોવાનું જણાવી રહ્યું છે.