જુઓ AMCનો સૌથી મોટો લાંચીયો AMCનો આસિસ્ટન્ટ ટી.ડી.ઓને રંગેહાથ છટકામાં ઝડપ્યો રૂા.૨૦ લાખની લાંચ લેતાં ઝડપાયો લાંચીયો એન્ટી કરપ્શન બ્યુરોના છટકામાં ઝડપાયો

જુઓ AMCનો સૌથી મોટો લાંચીયો AMCનો આસિસ્ટન્ટ ટી.ડી.ઓને રંગેહાથ છટકામાં ઝડપ્યો રૂા.૨૦ લાખની લાંચ લેતાં ઝડપાયો લાંચીયો એન્ટી કરપ્શન બ્યુરોના છટકામાં ઝડપાયો કોર્પોરેશનનો અધિકારી 

અમદાવાદ મ્યુનિસિપલ કોર્પોરેશન, વિરાટનગર ખાતે ફરજ બજાવતા આસિસ્ટન્ટ ટી.ડી.ઓ. (ટાઉન ડેવલોપમેન્ટ ઓફિસર) હર્ષદભાઈ મોહનલાલ ભોજક અને પ્રજાજન આશિષ કનૈયાલાલ પટેલને ACB એ રૂા.૨૦ લાખની લાંચ લેતાં ઝડપી પાડ્યા 

અમદાવાદ મ્યુનિસિપલ કોર્પોરેશન (AMC)ના એક વરિષ્ઠ અધિકારી અને પ્રજાજન આશિષને એન્ટી કરપ્શન બ્યુરો (ACB)એ 20 લાખ રૂપિયાની લાંચ લેતા રંગે હાથ ઝડપી પાડ્યા છે.આરોપીઓમાં AMCના આસિસ્ટન્ટ ટાઉન ડેવલપમેન્ટ ઓફિસર (ATDO) હર્ષદભાઇ મનહરલાલ ભોજક અને પ્રજાજન આશિષ કનૈયાલાલ પટેલનો સમાવેશ થાય છે. બંને આરોપીઓને આજે બપોરે આશ્રમ રોડ પર આવેલી એક ઓફિસમાંથી ઝડપી લેવામાં આવ્યા હતા.

ACB અધિકારીઓના જણાવ્યા અનુસાર, ફરિયાદીની વડીલોપાર્જિત જમીન પર બનાવેલા મકાનો અને દુકાનો AMC દ્વારા તોડી પાડવામાં આવ્યા હતા. ફરિયાદી અને ભાડૂઆતોને વૈકલ્પિક વ્યવસ્થા કરી આપવા માટે, આરોપી ભોજકે પ્રથમ 50 લાખ રૂપિયાની માંગણી કરી હતી, જે પછીથી 20 લાખ રૂપિયા સુધી ઘટાડવામાં આવી હતી.

ફરિયાદીએ ACBનો સંપર્ક કર્યા બાદ, એક છટકું ગોઠવવામાં આવ્યું હતું. આરોપીઓએ ફરિયાદી સાથે લાંચની રકમ અંગે ચર્ચા કરી અને તેને સ્વીકારી લીધી હતી.

ACB અમદાવાદ ગ્રામ્યના પોલીસ ઇન્સ્પેક્ટર એન.એન. જાદવના નેતૃત્વ હેઠળ આ ઓપરેશન હાથ ધરવામાં આવ્યું હતું. ACBના મદદનીશ નિયામકો કે.બી. ચુડાસમા અને એ.વી. પટેલે આ કાર્યવાહીનું સુપરવિઝન કર્યું હતું.

બંને આરોપીઓ વિરુદ્ધ ભ્રષ્ટાચાર નિવારણ અધિનિયમ હેઠળ કેસ નોંધવામાં આવ્યો છે અને વધુ તપાસ ચાલુ છે.આ ઘટના અમદાવાદ શહેરમાં ભ્રષ્ટાચાર વિરોધી અભિયાનને વેગ આપશે એવી આશા વ્યક્ત કરવામાં આવી રહી છે.