બાહુબલીની દુનિયામાં પાછા ફરવાની તક જલદી મળશે, એસ.એસ. રાજામૌલી લાવી રહ્યા છે 'બાહુબલી: ક્રાઉન ઓફ બ્લડ' એનિમેટેડ સિરીઝ

ભારતીય સિનેમાના ઇતિહાસમાં એક નવું પાનું ઉમેરતા, લોકપ્રિય દિગ્દર્શક એસ.એસ. રાજામૌલીએ 'બાહુબલી: ક્રાઉન ઓફ બ્લડ' નામની એનિમેટેડ સિરીઝની ઘોષણા કરી છે. આ એનિમેટેડ સિરીઝ તેઓની ઐતિહાસિક લોકપ્રિય ફિલ્મ 'બાહુબલી'ની વાર્તાની આસપાસ રહેશે અને તે વાર્તાને આગળ વધારશે અથવા વાર્તાના પત્રોનો વધુ નજીકથી પરિચય કરાવશે અને તે મહિષ્મતીના કાલ્પનિક રાજ્યની વાર્તાને વિસ્તારશે.

બાહુબલી શ્રેણી ભારતીય સિનેમામાં એક સુવર્ણ પાનું છે, તેને વિશ્વભરમાં તેની છાપ છોડી છે, ફકત બોક્સ ઓફિસ પર અનેક રેકોર્ડ ન તોડતા 'બાહુબલી' ફિલ્મોએ તેલુગુ સિનેમાને વૈશ્વિક સ્તરે પહોંચાડી છે. એસ.એસ. રાજામૌલીની દિગ્દર્શનમાં બનેલી આ ફિલ્મ શ્રેણીએ તેની અનોખી કથાનક, પ્રભાવીક દ્રશ્યો અને સંગીત માટે લોકપ્રશંસા મેળવી છે, અને એક આખી પેઠીને નવા સીનેમેટીક અનુભવ માટે તૈયાર કરી છે.  હવે, આ મહાકાવ્ય બાહુબલી એક નવા સ્વરૂપમાં પાછું ફરી રહ્યું છે અને તે મહિષ્મતીના રાજ્યની અને તેના પાત્રોની ગાથાઓ નવી અને રોમાંચક રીતે પ્રસ્તુત કરશે.

રાજામૌલીએ તેમના અધિકૃત 'X' પેજ પર ટાઈટલ એનાઉન્સમેન્ટ ટીઝર શેર કર્યું છે, જેમાં તેમણે લખ્યું છે, "જ્યારે મહિષ્મતીના લોકો તેનું નામ જપે છે, ત્યારે બ્રહ્માંડમાં કોઈ પણ શક્તિ તેને પાછું આવતાં અટકાવી શકતી નથી. 'બાહુબલી: ક્રાઉન ઓફ બ્લડ' ની એનિમેટેડ સિરીઝનું ટ્રેલર ટૂંક સમયમાં આવશે!".

આ સિરીઝના ટાઈટલ એનાઉન્સમેન્ટ ટીઝરે ચાહકોમાં ઉત્સાહ અને આશાની લહેર ઉભી કરી છે. 'બાહુબલી'ની દુનિયામાં પાછા ફરવાની તક મળવી એ દરેક બહુબલી ફેન માટે સ્વપ્ન સમાન છે, તેઓ અને આપણે આશા કરીએ છીએ કે 'બાહુબલી: ક્રાઉન ઓફ બ્લડ' એનિમેટેડ સિરીઝ પણ "બહુબલી" ફિલ્મો જેવી જ સફળતા મેળવશે અને દર્શકોને મંત્રમુગ્ધ કરશે.

આપણે સૌ આતુરતાથી ટ્રેલરની રાહ જોઈ રહ્યા છીએ!