જુનાગઢ જિલ્લાના માળીયા હાટીના પંથકમાં ભારે વરસાદના કારણે ભાખરવડ ડેમ ઓવરફ્લો જૂનાગઢ ગીર સોમનાથ, દક્ષિણ ગુજરાતના જિલ્લાઓમાં ભારે વરસાદનું રેડ એલર્ટ

જુનાગઢ જિલ્લાના માળીયા હાટીના પંથકમાં ભારે વરસાદના કારણે ભાખરવડ ડેમ ઓવરફ્લો જૂનાગઢ ગીર સોમનાથ, દક્ષિણ ગુજરાતના જિલ્લાઓમાં ભારે વરસાદનું રેડ એલર્ટ

માળીયાનો જીવાદોરી સમાન ભાખરવડ ડેમ ઓવરફ્લો થતા ખેડૂતોમાં ખુશીનો માહોલ 

જોવા મળ્યો અગાઉ પહેલા વરસાદના કારણે 90% પાણીનો જથ્થો સંગ્રહ થયેલો હતો, ત્યારે આજ રોજ ગીર વિસ્તારમાં ભારે વરસાદના કારણે ભાખરવડ અવરફલો થયો.જ્યારે ભાખરવડ ડેમની નીચે આવેલ મેઘલ નદીમાં પુરની સ્થિતિ સર્જાઈ.જ્યારે તંત્ર દ્વારા નીચાણવાળા ગામને નદિના પટાગણમા અવરજવર ના કરવા અપાય સુચના.જેમાં વડાળા, અવાણીયા, જાનડી, ધુમટી, આબેચા નાની ધણેજ, મોટી ઘણેજ, સમઢિયાળા, ગળું સહિતના ગામને સાવચેતી રાખવા તંત્ર દ્વારા સુચના આપવામાં આવી છે.

ગુજરાતના અનેક જિલ્લામાં મેઘારાજા મહેરબાદ થયા છે. ત્યારે રાજ્યમાં છેલ્લા 24 કલાકમાં 214 તાલુકામાં મેઘમહેર થઈ છે. જેમાં સુરતના ઉમરપાડામાં સૌથી વધુ 14 ઈંચ જેટલો વરસાદ નોંધાયો હતો. જ્યારે ભરૂચના નેત્રંગમાં સાડા સાત ઈંચ, નર્મદાના ગરુડેશ્વરમાં પોણા છ ઈંચ જેટલો વરસાદ નોંધાયો હતો. આ ઉપરાંત 72 તાલુકામાં એક ઈંચથી વધુ વરસાદ નોંધાયો છે.

હવામાન વિભાગની આગાહી અનુસાર, આજે જૂનાગઢ, અમરેલી, ભાવનગર, ગીર સોમનાથ, દક્ષિણ ગુજરાતના સુરત, નવસારી, વલસાડ,છોટા ઉદેપુર, દિવ અને દમણમાં ભારે વરસાદનું રેડ એલર્ટ છે. 

આ ઉપરાંત પાટણ, બનાસકાંઠા, મહેસાણા, સાબરકાંઠા, ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ, મહીસાગર અને સૌરાષ્ટ્રના સુરેન્દ્રનગર, મોરબી, કચ્છ જિલ્લામાં પણ ભારે વરસાદની ચેતવણી અપાઈ છે. 

આગામી છ દિવસ સૌરાષ્ટ્ર સહિત સમગ્ર રાજ્યમાં સાર્વત્રિક એટલે કે 75થી 100 ટકા વિસ્તારમાં વરસાદની પણ આગાહી છે.