ભુવાજીને ધુણતા ધુણતા એટેક આવ્યો મહેસાણાના જગુદણ ગામે રમેણમાં ભુવાજીને આવ્યો હાર્ટ એટેક મોરબીમાં પણ ભુવાજીને આવ્યો હાર્ટ એટેક

મહેસાણાના જગુદણ ગામે રમેણમાં ભુવાજીને આવ્યો હાર્ટ એટેક

ભારતમાં હવે હાર્ટ એટેકના કારણે મૃત્યુ પામતા કેસોની સંખ્યામાં સતત વધારો થઈ રહ્યો છે. મુખ્ય વાત એ છે કે, હાર્ટ એટેકમાં મૃત્યુ પામતા લોકોમાં હવે યુવાન વયના લોકો વધી રહ્યા છે. હવે ,મહેસાણાથી વધુ એક હાર્ટ એટેકેના કારણે મૃત્યુનો કિસ્સો સામે આવ્યો છે. મહેસાણાના જગુદણ ગામે રમેણમાં ભુવાજીને ધુણતા ધુણતા એટેક આવ્યો છે. ભુવાજી ધુણવાનું ચાલુ કરતા 55 સેકન્ડમાં જ એટેક આવ્યો હતો અને તેઓ સૌની સામે જ ઢળી પડ્યા હતા. 

ઊંઝા તાલુકાના બ્રાહ્મણવાડા ગામના ભુવાજી ગોવિંદ ભાઈ દરજીને હાર્ટ એટેક આવતા મોત નીપજ્યું છે. તેઓ જગુદણ ગામે પહોંચ્યા હતા ત્યાં આ ઘટના બની હતી. જગુદણ ગામે દરજી વાસમાં યોજાયેલ રમેણમાં ભુવાજી ભાગ લેવા આવ્યા હતા. તેઓએ ધૂણવાનું ચાલુ કરતા ફક્ત 55 સેકંડમાં જ હાર્ટ એટેક આવ્યો હતો અને તેઓ ધૂણતા ધૂણતા જ ઢળી પડ્યા હતા. તેમને સારવાર અર્થે મહેસાણા હોસ્પિટલ ખસેડવામાં આવ્યા હતા પરંતુ, બાદમાં તેઓને તબીબો દ્વારા મૃત જાહેર કરવામાં આવ્યા હતા.

મોરબીમાં પણ આવીજ ઘટના બની હતી