ગુજરાતમાં ધમધોકાર આગાહી હવામાન વિભાગે કરી આગાહી આગામી ચાર દિવસ હળવાથી મધ્યમ વરસાદની આગાહી જાણો ક્યાં આવશે મેઘરાજા અમદાવાદ અને ગાંધીનગરમાં વરસાદની શક્યતા નહીવત

ગુજરાતમાં ધમધોકાર આગાહી હવામાન વિભાગે કરી આગાહી આગામી ચાર દિવસ હળવાથી મધ્યમ વરસાદની આગાહી જાણો ક્યાં આવશે મેઘરાજા 

આજે વડોદરા, છોટાઉદેપુર, વલસાડ, નવસારી, ડાંગ, દમણ, પંચમહાલ દાહોદ, સુરત, તાપી, દમણ, દાદરા નગર હવેલીમાં વરસાદની આગાહી 

આવતીકાલે પંચમહાલ મહીસાગરમાં વરસાદ વડોદરા, છોટાઉદેપુર, વલસાડ, નવસારી, ડાંગ, દમણ, પંચમહાલ દાહોદ, સુરત, તાપી, દમણ, દાદરા નગર હવેલીમાં વરસાદની આગાહી 

ચોથા દિવસે સાબરકાંઠા, વડોદરા, છોટાઉદેપુર, વલસાડ, નવસારી, ડાંગ, દમણ, પંચમહાલ દાહોદ, સુરત, તાપી, દમણ, દાદરા નગર હવેલીમાં વરસાદની આગાહી 

ત્રણ દિવસ ગીરસોમનાથ, ભાવનગર અને અમરેલીમાં પણ વરસાદની આગાહી 

દક્ષિણ ગુજરાત અને સૌરાષ્ટ્રમાં ઠંડરસ્ટ્રોમની આગાહી અમદાવાદમાં 43 ડિગ્રી ગાંધીનગરમાં 42.6 ડિગ્રી તાપમાન રહ્યું 

હાલ પાંચ દિવસ અમદાવાદ અને ગાંધીનગરમાં વરસાદની શક્યતા નહીવત 

કેરળમાં ચોમાસાની એન્ટ્રી બાદથી એક પછી એક રાજ્યોમાં વરસાદનું આગમન થઇ રહ્યું છે. હજુ તો ગઇકાલે જ મહારાષ્ટ્રમાં પણ વરસાદની એન્ટ્રી થઇ હતી ત્યાં આજે ગુજરાતના કેટલાક જિલ્લામાં વરસાદ શરૂ થઈ ગયો છે. હવામાન વિભાગે હજુ ગઇ કાલે જ આગાહી કરી હતી કે આગામી 5 દિવસ દક્ષિણ ગુજરાત, સૌરાષ્ટ્ર અને ઉત્તર ગુજરાતના અનેક ભાગોમાં વરસાદ પડવાની શક્યતા છે ત્યાં છોટા ઉદેપુરના વાતાવરણમાં એકાએક પલટો આવ્યો હતો અને વરસાદ પડ્યો હતો. 

ઉલ્લેખનીય છે કે આ વખતે મે મહિનામાં ગરમીએ જૂના બધા રેકોર્ડ તોડી નાખ્યા છે. ત્યારે આખા ગુજરાત સહિત ભારતના અનેક ભાગોમાં ગરમીથી લોકો ત્રાહિમામ પોકારી ગયા છે. આ વચ્ચે વરસાદના અહેવાલથી લોકોને ઘણી ખરી રાહત મળી છે. હાલમાં છોટા ઉદેપુરમાં ઘણી જગ્યાએ ધોધમાર તો ઘણી જગ્યાએ ધીમી ધારે મેઘરાજા વરસી રહ્યા છે. બીજી બાજુ સુરતના ઓલપાડ તાલુકામાં પણ વરસાદ પડ્યો છે.  

બીજી બાજુ બોડેલી તાલુકાના ચલામલીમાં પણ ધોધમાર વરસાદ વરસ્યો છે. અહીં વહેલી સવારથી જ વાદળછાયું વાતાવરણ સર્જાયું હતું, ત્યારે વરસાદને પગલે વાતાવરણમાં ઠંડક પ્રસરી ગઇ છે.