પ્રસુતિનો દિવસ નજીક હોવા છતાં વિદ્યાનગરના સગર્ભા બહેને મતદાન મથકમાં જઈને મતદાન કરી તેમની ફરજ નિભાવી
લોકસભા સામાન્ય ચૂંટણીની મતદાન પ્રક્રિયામાં આણંદ મતદાર વિભાગમાં યુવાઓ, મહિલાઓ,, વૃદ્ધ, દિવ્યાંગજનો અને સગર્ભ મહિલાઓ પણ મતદાન કરી તેમની ફરજ નિભાવી રહયાં છે.
વિદ્યાનગર ખાતે રહેતા અને રેવન્યુ વિભાગમાં ફરજ બજાવતાં અધિકારી પોતાની પુત્રવધુ હેતલ બ્રહ્મભટ્ટ ને છેલ્લા દિવસો જતા હોવા છતાં પણ રાષ્ટ્ર પ્રત્યેની ફરજને પ્રધાન્ય આપી આજે વહેલી સવારના ૭-૦૦ વાગ્યાના અરસામાં મતદાન કરી રાષ્ટ્ર સેવાનું એક ઉત્તમ ઉદાહણ પૂરું પડ્યું છે.
નડિયાદ ખાતે ડેપ્યુટી કલેકટર તરીકે ફરજ બજાવતા શ્રીમતી મનીષાબેન બ્રહ્મભટ્ટ પરિવારની ફરજ સમજી પોતાની પુત્રવધુને સાથે લઈને મતદાન કરવા આવ્યા હતા. પુત્રવધુ ગર્ભાવતી હોવા છતાં, તેને છેલ્લા દિવસો જ જતા હોવા છતાં પણ મતદાન કરવા સાથે લાવી તેઓનો ઉત્સાહ વધાર્યો હતો અને અન્ય મતદારોને પણ જાગૃત કર્યા હતા.
સગર્ભા બેન જેમની પ્રસુતિ થવાની તૈયારી છે, એટલે કે જેમની ડ્યુ ડેટ નજીક છે, તેઓ પોતાના સાસુ સાથે આજે સવારે વલ્લભ વિદ્યાનગર ખાતે પ્રગતિ મંડળમાં મતદાન મથક ખાતે મતદાન કર્યું હતું. તેઓના સાસુ શ્રી મનિષાબેન બ્રહ્મભટ્ટ પોતાની પુત્રવધૂને મતદાન કરાવ્યા બાદ પોતાની ફરજ ઉપર નડિયાદ ખાતે જવા રવાના થયા હતાં.
સગર્ભા મહિલાએ મતદાનનું મહત્વ શું છે તે હું સમજુ છું, તેમ જણાવી પ્રત્યેક મતદારોને તેમના મતાધિકારનો ઉપયોગ કરવા અને મતદાનથી અળગા ન રહેવા અપીલ કરી હતી.