હિંમતનગર શહેરમાં બપોરના સમયે આકાશમાંથી આગ ઝરતી હોય તેવો અનુભવ સાબરકાંઠા જીલ્લામાં ગરમીનો પારો વધ્યો આરોગ્ય વિભાગે લોકોને કામ વિના બહાર ન નીકળવા અપીલ કરી

સાબરકાંઠા જીલ્લામાં ગરમીનો પારો દિવસે ને દિવસે ઉંચકાઈ રહ્યો છે . હિંમતનગર શહેરમાં તાપમાન સરેરાશ ૪૩ થી ૪૫ ડીગ્રી વચ્ચે નોંધાયું છે . હવામાન વિભાગ દ્રારા આગામી ત્રણ દિવસ આકરી ગરમી પડશે તેવી આગાહી કરી છે . શહેરના રસ્તાઓ સુમસાન બન્યા છે . આરોગ્ય વિભાગ દ્રારા લોકોને કામ વગર બહાર ન નીકળવા માટે પણ અપીલ કરાઈ છે. 

તરસ ન લાગે તો પણ જ્યારે પણ શક્ય હોય ત્યારે પૂરતું પાણી પીવા જોઈએ. આ સાથે, નાગરિકોને ઓરલ રીહાઇડ્રેશન સોલ્યુશન (ઓઆરએસ)નો ઉપયોગ કરવું અને લીંબુ શરબત, છાશ / લસ્સી, ફળોના રસ સાથે મિશ્રિત થોડું મીઠું જેવા ઘરે બનાવેલા પીણાં પીવા જોઈએ. પાતળા, ઢીલા, સુતરાઉ કપડાં, આછા રંગના કપડાં પહેરવાની અને સીધા સૂર્યપ્રકાશના સંપર્કમાં આવે ત્યારે છત્રીઓ, ટોપીઓ ટુવાલ અને અન્ય પરંપરાગત માથાના આવરણનો ઉપયોગ કરવું. હવામાનના સમાચારો માટે ટીવી જોતા રહેવું.