જૂનાગઢ જિલ્લામાં વરસાદની રમઝટ માળીયા તાલુકાના ગીર વિસ્તારમાં વધારે વરસાદને કારણે તાલુકાના અમરાપુરગીર ગામે આવેલી વ્રજમી નદીમાં પુર આવ્યું

જૂનાગઢ જિલ્લામાં વરસાદની રમઝટ માળીયા તાલુકાના ગીર વિસ્તારમાં વધારે વરસાદને કારણે તાલુકાના અમરાપુર ગીર ગામે આવેલી વ્રજમી નદીમાં પુર આવ્યું

જૂનાગઢ જિલ્લામાં આજે બપોર બાદ વરસાદની રમઝટ બોલી હતી ત્યારે જૂનાગઢ જિલ્લાના માળીયા હાટીના અને માંગરોળ તાલુકા સહિત કેશોદ તાલુકા તેમજ આસપાસના વિસ્તારમાં વરસાદ ખાબક્યો હતો 

વહેલી સવારથી વાતાવરણમાં અસહ્ય ગરમી અને ઉકળાટથી લોકો કંટાળી ગયા હતા .જેમાં લોકો ઇલેક્ટ્રિક પંખા થી રાહત મેળવી શકે પરંતુ કમનસીબે વિજલાઈન પણ ખોરવાઈ હતી અને લોકોને ગરમી નો સામનો કરવો પડ્યો હતો જ્યારે બપોર ના 3 વાગ્યા થી વરસાદની કડાકા અને વીજળીના ઝબકારા સાથે એન્ટ્રી થતા વાતાવરણ માં ઠંડક પ્રસરી હતી ત્યારે અત્યાર સુધી તાલુકા ના ગીર વિસ્તાર ના ગામડામાં નદીઓમાં નવા નીર વહેતા થયા હતા જેમાં માળીયા તાલુકા ના ગીર વિસ્તાર માં વધારે વરસાદ ને કારણે તાલુકાના અમરાપુર ગીર ગામે આવેલી વ્રજમી નદીમાં પુર આવ્યું હતું તેમજ તરસિંગડા ગામેથી નીકળતી મેઘલ નદીમાં પણ નવા નીર વહેતા થયા હતા 

જ્યારે તાલુકાના ગીર વિસ્તાર સિવાયના ગામડાઓમાં સામાન્ય વરસાદ જોવામાં મળ્યો હતો ત્યારે હાલ બે દિવસ અગાઉ પડેલા વરસાદ અને આજે પડેલા વરસાદથી જમીન માં સારા પ્રમાણ માં પાણી ઉતરતા ભેજ વાળું વાતાવરણ બન્યું છે જેથી આવતી કાલ થી ખેડૂતો પોતાના ખેતર માં મગફળી ના પાક ની વાવણી ના શ્રી ગણેશ કરશે 

જૂનાગઢના ગિરનાર પર્વત પર વરસાદી માહોલ જામ્યો છે .

ગિરનાર પર્વત પર આહલાદક દ્રશ્યો સર્જાયા હતા .

ગિરનાર પર્વત પરના વાતાવરણમાં ઠંડક પ્રસરી છે .મનમોહક વાતાવરણના દ્રશ્યો કેમેરામાં કેદ થયા હતા 

ગુજરાતમાં સવારે 6થી સાંજે 6 વાગ્યા સુધીમાં 66 તાલુકામાં વરસાદ, કોડીનાર, જૂનાગઢ તાલુકા અને શહેરમાં વરસ્યો 3 ઈંચ વરસાદ, ટંકારા અને ગોંડલમાં વરસ્યો 2.75 ઈંચ વરસાદ, દાંતામાં 2.5 ઈંચ તો જેતપુર અને સુત્રાપાડામાં 2 ઈંચ વરસાદ, કાલાવડ અને મેંદરડામાં 1.75 ઈંચ વરસાદ, વેરાવળ, માંગરોળ, ઈડર અને મોરવાહડફમાં 1.25 ઈંચ વરસાદ

રિપોર્ટ :- પરેશ વાઢીયા (વાઢીયાભાઈ)-- જૂનાગઢ