અમદાવાદમાં શાકભાજીના જથ્થાની આવક ઘટી ખેતવાડી ઉત્પન્ન બજાર સમિતીમાં લીલા શાકભાજીની આવકમાં ધરખમ ઘટાડો થયો જનતા માટે શાકભાજીનો સ્વાદ માણવો મોઘો થયો છે.

અમદાવાદમાં શાકભાજીના જથ્થાની આવક ઘટી ખેતવાડી ઉત્પન્ન બજાર સમિતીમાં લીલા શાકભાજીની આવકમાં ધરખમ ઘટાડો થયો જનતા માટે શાકભાજીનો સ્વાદ માણવો  મોઘો થયો છે.

વેપારીઓનું કહેવું છે કે, શાકભાજીની માંગ સામે આવકમાં ખાસ્સો એવો ઘટાડો થયો છે. માત્ર સૌરાષ્ટ્ર-દક્ષિણ ગુજરાત જ નહીં, અન્ય રાજ્યોમાંથી આવતી શાકભાજીની આવક પણ ઘટી છે.

ગુજરાતમાં મેઘરાજા મન મૂકીને વરસી રહ્યાં છે. બીજા રાઉન્ડમાં તો દક્ષિણ ગુજરાત તો પાણીપાણી થયુ છે. હવે ઘીરે ધીરે અન્ય જીલ્લાઓ પણ વરસાદી પાણીમાં તરબોળ થવા માંડ્યા છે. 

વરસાદને કારણે ખેતવાડી ઉત્પન્ન બજાર સમિતીમાં લીલા શાકભાજીની આવકમાં ધરખમ ઘટાડો થયો છે જેના કારણે શાકભાજીના ભાવ આસમાને પહોંચ્યા છે. મોટાભાગના શાકભાજીનો ભાવ રૂ. 80-100ની આસપાસ છે. પરિણામે આમ જનતા માટે શાકભાજીનો સ્વાદ માણવો ય મોઘો થયો છે.

ચોમાસુ બરોબર જામ્યુ છે. ચારેકોર ભારે વરસાદ વરસી રહ્યો છે. અત્યારે સૌરાષ્ટ્ર, દક્ષિણ ગુજરાતમાં બારે માસ ખાંગા જેવી સ્થિતી સર્જાઈ છે. અતિવૃષ્ટિ જેવો માહોલ સર્જાયો છે. સૌરાષ્ટ્ર-દક્ષિણ ગુજરાતમાં ખેતરોમાં ય વરસાદી પાણી ભરાયાં છે, પરિણામે અમદાવાદમાં શાકભાજીના જથ્થાની આવક ઘટી છે. વેપારીઓનું કહેવું છે કે, શાકભાજીની માંગ સામે આવકમાં ખાસ્સો એવો ઘટાડો થયો છે. માત્ર સૌરાષ્ટ્ર-દક્ષિણ ગુજરાત જ નહીં, અન્ય રાજ્યોમાંથી આવતી શાકભાજીની આવક પણ ઘટી છે.

હાલ શાકભાજીના ભાવ આસમાને પહોંચ્યા છે. શાકભાજીના ભાવએ સેન્ચુરી વટાવતાં આમ જનતાના ખિસ્સા પર આર્થિક માર પડ્યો છે. ગૃહિણીઓનું તો બજેટ જ ખોરવાયુ છે કેમકે, રૂ. 20-25 વેચાતી ડુંગળીનો કિલોનો ભાવ છેક રૂ. 90 એ પહોચ્યો છે. બટાકાનો ભાવ પણ કિલોના રૂ.50 બોલાઈ રહ્યા છે.