દર્શકોને લાંબા સમયની રાહ પછી 'કલ્કિ 2898 AD' ફિલ્મનું ટ્રેલર આખરે રીલીઝ થઈ ગયું છે અને તેણે દર્શકોની ફિલ્મ માટેની આતુરતા અનેક ગણી વધારી દીધી છે

દર્શકોને લાંબા સમયની રાહ પછી 'કલ્કિ 2898 AD' ફિલ્મનું ટ્રેલર આખરે રીલીઝ થઈ ગયું છે અને તેણે દર્શકોની ફિલ્મ માટેની આતુરતા અનેક ગણી વધારી દીધી છે.

દર્શકોને લાંબા સમયની રાહ પછી 'કલ્કિ 2898 AD' ફિલ્મનું ટ્રેલર આખરે રિલીઝ થઈ ગયું છે જે દર્શાવે છે કે આ ફિલ્મ ભારતીય સિનેમાને સાઈ-ફાઈ/વિજ્ઞાન કથાઓની દુનિયામાં એક નવી ઊંચાઈ પર લઈ જઈ રહી છે. નાગ અશ્વિન દ્વારા દિગ્દર્શિત અને વ્યજયંતી મૂવીઝ દ્વારા નિર્મિત આ ફિલ્મમાં, પ્રભાસ, અમિતાભ બચ્ચન અને દીપિકા પાદુકોણ એક શક્તિશાળી ભૂમિકામાં દેખાય છે. આ ફિલ્મમાં કમલ હસન અને દિશા પટાણી જેવા કલાકારો પણ છે.

આ ફિલ્મ હિન્દુ દેવતા વિષ્ણુના દસમા અને અંતિમ અવતાર કલ્કિના રહસ્યમય પાત્ર આસપાસ ફરે છે, ફિલ્મની કથા ભારતીય મિથકો અને ડિસ્ટોપિયન સમાજની પૃષ્ઠભૂમિ પર સેટ છે, જે મહાભારતની ઘટનાઓથી લઈને 2898 AD સુધીની યાત્રા દર્શાવે છે. ટ્રેલરમાં જોઈ શકાય છે કે પ્રભાસ ભૈરવા નામના સ્વાર્થી શિકારીના પાત્રમાં છે, તેની પાસે બુજ્જી નામનું એક AI-પાવર્ડ વાહન છે. ફિલ્મના મુખ્ય ખલનાયક દ્વારા ભૈરવાને એક મહિલાને પકડવાનું કામ સોંપાય છે, જે દીપિકા પાદુકોણ દ્વારા અભિનિત છે અને તે આ અજન્મા મસીહાની માતા છે. અમર અશ્વત્થામા, જેનો અભિનય  અમિતાભ બચ્ચને કર્યો છે, જે ભૈરવા યુદ્ધ કળામાં તાલીમ આપે છે અને તેની મદદથી ભૈરવા પોતાની અસ્થિતવનું મહત્વ શોધી કાઢે છે અને અંતે પોતાનાથી વિશેષ કોઈની માટે લડવાનું પણ શીખે છે.

આ ફિલ્મનું નિર્માણ બજેટ ₹600 કરોડ (US$72 મિલિયન) છે, જે 'કલ્કિ 2898 AD'ને ભારતીય ફિલ્મોમાં સૌથી મોંઘી ફિલ્મ બનાવે છે. ફિલ્મમાં સંગીત સંતોષ નારાયણનનું છે જ્યારે છાયાંકન જ્યોર્જ સ્ટોજિલ્જ્કોવિક દ્વારા અને સંપાદન કોટગિરિ વેંકટેશ્વર રાવ દ્વારા કરાયું છે તો ફિલ્મનું પ્રોડક્શન ડિઝાઇન નિતિન ઝિહાની ચૌધરીએ કર્યું છે. 

આ ફિલ્મની પ્રથમ જાહેરાત ફેબ્રુઆરી 2020માં થઈ હતી. કોવિડ-19 મહામારીને કારણે ફિલ્મ એક વર્ષની મોડી થઈ હતી, અને જુલાઈ 2021માં રામોજી ફિલ્મ સીટી, હૈદરાબાદ ખાતે ફિલ્મનું શૂટિંગ શરૂ થયું હતું અને અનેક તબ્બકાઓ પછી માર્ચ 2024માં પૂર્ણ થયું છે. ફિલ્મ વિશ્વભરમાં 27 જૂન 2024ના રોજ રિલીઝ થવાની છે.