જાણો કેટલા અમદાવાદીઓને પાન- મસાલાની 'પિચકારી' 6 લાખમાં પડી

જાણો કેટલા અમદાવાદીઓને પાન- મસાલાની 'પિચકારી' 6 લાખમાં પડી


પાનમસાલા ખાઇ રોડ ઉપર થૂંકનારા લોકોએ મ્યુનિ.ને લાખ્ખોનો દંડ ચૂકવવો પડ્યો


5000થી વધુ નાગરિકોને પાન- મસાલાની 'પિચકારી' 6 લાખમાં પડી


• શહેરમાં સ્વચ્છતા અભિયાન અંતર્ગત વિવિધ વિસ્તારોમાં આવેલાં 37 બ્રિજ ગટરનાં ટ્રીટ કરેલાં પાણીથી ધોવાયા



શહેરમાં સ્વચ્છતા સર્વેક્ષણ પહેલાં મ્યુનિ. સત્તાધીશોએ સ્વચ્છતા અભિયાનનો પ્રારંભ કરી દીધો છે અને તેમાંય ખાસ કરીને રોડ ઉપર પાનમસાલા ખાઈને થૂંકનારા પાંચ હજારથી વધુ નાગરિકોને મ્યુનિ.ને સવા લાખ રૂપિયા દંડ પેટે ચૂકવવાનો વારો આવ્યો છે.


મ્યુનિ. સોલીડ વેસ્ટ ખાતાનાં ઇન્ચાર્જ ડાયરેક્ટર વિજય મિસ્ત્રીએ જણાવ્યું હતું કે, સ્વચ્છતા સર્વેક્ષણમાં શહેર ઉત્તરોત્તર પ્રગતિ કરી રહ્યું છે અને શહેરમાં સ્વચ્છતા તથા સુંદરતા ટકાવી રાખવા મ્યુનિ. દ્વારા અથાગ પ્રયાસ કરવામાં આવે છે. જેમાં ખાસ કરીને તમામ ટ્રાફિક જંકશન અને બીઆરટીએસ કોરિડોરની ગ્રીલ, ડિવાઈડર વગેરેને લાખો રૂપિયાના ખર્ચે સાફ કરી રંગરોગાન કરાવવામાં આવે છે. પરંતુ કેટલાય નાગરિકો પાનમસાલા ખાઈને જાહેર રોડ ઉપર, ગ્રીલ અને ડિવાઇડર વગેરે જગ્યાએ થૂંકીને મ્યુનિ. ની મહેનત ઉપર પાણી ફેરવતાં હોય છે. 

આથી મ્યુનિ.કમિશનર એમ. થેન્નારસને સ્વચ્છતા અને સુંદરતા જાળવવા માટે પાનમસાલા ખાઈ જાહેરમાં થૂંકતા લોકો સામે દંડનીય કાર્યવાહી કરવાની સૂચના આપી હતી. તેના પગલે બીજી ફેબ્રુઆરી ૨૦૨૪થી ઝુંબેશ શરૂ કરવામાં આવી છે અને દરરોજ અંદાજે ૧૦૦ જેટલાં નાગરિકોને સામાન્ય કહી શકાય તેવો દંડ કરવામાં આવે છે, જેની પાછળનો હેતુ તેમને સ્વચ્છતા તરફ જાગૃત કરવાનો છે. 

તેમણે કહ્યું કે, બીજી ફેબ્રુઆરીથી ચોથી એપ્રિલ સુધીમાં સાત ઝોનમાં જાહેરમાં જ્યાં ત્યાં પાનમસાલાની પિચકારી મારી ગંદકી ફેલાવવા બદલ ૫૮૬૦ નાગરિકો પાસેથી ૬,૨૧,૫૬૦ રૂપિયા દંડ વસુલ કરવામાં આવ્યો છે. તદઉપરાંત પાંચમી ફેબ્રુઆરીનાં રોજ પણ શહેરભરમાંથી ૮૬ લોકો પાસેથી ૧૦૧૫૦ રૂપિયા દંડ વસુલ કરાયો છે.


સોલીડ વેસ્ટ ખાતાનાં ઈન્ચાર્જ ડાયરેક્ટરે વધુ માહિતી આપતાં કહ્યું કે, શહેરમાં માય સિટી માય પ્રાઇડ હેઠળ સ્વચ્છતા અભિયાનને જારી રાખવાની કમિશનરની સૂચના પ્રમાણે શુક્રવારે સાત ઝોનમાં આવેલાં ઓવરબ્રિજ તથા અંડરપાસને સાફ કરી સુએજ ટ્રીટમેન્ટ પ્લાન્ટમાંથી ટ્રીટ થયેલાં પાણીની ટેન્કરોની મદદથી ધોવાની કામગીરી કરવામાં આવી.અન્ય કચરો સાફ કરવામાં આવ્યા હતા.

 ત્યારબાદ બ્રિજનાં ડિવાઈડર, પેરાપીટ અને ફૂટપાથ વગેરેને ટ્રીટેડ વોટરથી પોવામાં આવ્યા હતા તેવી માહિતી આપતાં તેમણે કહ્યું કે, બ્રિજ ઉપર ચાલતાં જતાં અને વાહન લઇ જતાં નાગરિકો પૈકી અનેક લોકો બ્રિજનાં ડિવાઈડર, ફૂટપાથ ઉપર પાનમસાલાની પિચકારી મારતાં હોય છે અને તેના કારણે ગંદા થયેલા બ્રિજ ની સફાઈ કરવામાં આવી હતી. બ્રિજ સફાઈ અને પોવાની કામગીરીમાં સફાઈ કામદારો તથા સ્વીપીંગ મશીનથી માટીરેતી અને ડાય દેખાય છે. જેને સાફ કરવા પણી જગ્યાએ બ્રશ ઘસવા પડયા હતા.

સોલીડ વેસ્ટ ઉપરાંત સેન્ટ્રલ વર્કશોપની જવાબદારી સંભાળતાં વિજય મિસ્ત્રીએ વધુ માહિતી આપતાં કહ્યું કે, શુક્રવારે સાત ઝોનમાં કુલ ૩૭ બ્રિજની સફાઈનું મહાઅભિયાન હાથ ધરવામાં આવ્યુ હતુ, જેને વાહનચાલકોએ પણ બિરદાવ્યુ હતું.