જૂનાગઢ જિલ્લામાં વહેલી સવારથી મેઘતાંડવઃ ભારે વરસાદ કારણે માણાવદરના બટવામાં પાણી નિકાલની યોગ્ય વ્યવસ્થાનો અભાવ ગુજરાતના અનેક જિલ્લાઓમાં ભારે વરસાદની આગાહી

જૂનાગઢ જિલ્લામાં વહેલી સવારથી મેઘતાંડવઃ ભારે વરસાદ કારણે માણાવદરના બટવામાં પાણી નિકાલની યોગ્ય વ્યવસ્થાનો અભાવ ગુજરાતના અનેક જિલ્લાઓમાં ભારે વરસાદની આગાહી

માણાવદર તાલુકાના બાટવામાં ભારે વરસાદ ને લઈ ને દુકાનોમાં પાણી ઘુસ્યા હતા જેમાં વેપારીઓનો માલ સામાન પલળી જાવા પામ્યો હતો 

વહેલી સવારથી પડી રહેલા ભારે વરસાદને લઈને બાટવાની બજારો વોકળાની જેમ વહી જ્યારે બાટવા શાકમાર્કેટમાં પણ પાણી ભરાઈ જતા શાકભાજી વાળા વેપારીઓનું શાકભાજી બગડી જાવા પામ્યું હતું.હાલ બાટવામાં મેઘતાંડવઃ ને લઈ ને વેપારી દ્વારા જણાવાયું કે 6 દિવસ માં આ બીજી વખત છે ત્યારે અમારે મોટી નુકશાની સહન કરવાનો વારો આવ્યો છે .

જ્યારે બાટવામાં પાણી નિકાલની યોગ્ય વ્યવસ્થાનો અભાવ છે જેથી આ સમસ્યાનો સામનો કરવો પડે તેમ છે .જેથી તંત્ર પાસે અપેક્ષા છે કે પાણી નિકાલ માટે યોગ્ય અને કાયમી વ્યવસ્થા કરે જેથી આવી પરિસ્થિતિ નું નિર્માણ ન થાય.

હાલ જૂનાગઢ જિલ્લામાં ભારે વરસાદ ખાબક્યો છે .આગામી ત્રણ કલાકમાં ગુજરાતના અનેક જિલ્લાઓમાં ભારે વરસાદની આગાહી કરવામાં આવી છે. દ્વારકા, પોરબંદર, જૂનાગઢ, ગીર સોમનાથ, ભરૂચ, સુરત, નવસારી, વલસાડ, દમણ, દાદરા નગર હવેલીમાં ગાજવીજ સાથે ભારે વરસાદની આગાહી કરવામાં આવી છે.

 જૂનાગઢ જિલ્લામાં ધોધમાર વરસાદ વરસી રહ્યો છે. વહેલી સવારથી જ જૂનાગઢ જિલ્લામાં ભારે વરસાદ વરસી રહ્યો છે. જૂનાગઢ જિલ્લામાં ફરી એકવાર મેઘરાજાની એન્ટ્રી થઈ છે. એક દિવસના વિરામ બાદ ફરી મેઘરાજાએ આજે સવારથી ધમાકેદાર બેટિંગ શરૂ કરી છે. સૌરાષ્ટ્રના અનેક જિલ્લાઓમાં ધોધમાર વરસાદ વરસી રહ્યો છે. રાજકોટ જિલ્લામાં પણ વરસાદી માહોલ જામ્યો છે. ઉપલેટાના ગ્રામ્ય વિસ્તારમાં પણ ધોધમાર વરસાદ વરસ્યો છે. 

 ઉપલેટાના મજેઠી, લાઠ, ભીમોરા, કુઢેચ સહિતના ગ્રામ્ય વિસ્તારમાં ભારે વરસાદ વરસ્યો છે. લાઠ ગામમાં જતો કોઝ-વે પાણીમાં ગરકાવ થઈ ગયો છે. 11 ઈંચ વરસાદના પગલે ઠેર- ઠેર નદી વહેતી હોય તેવા દ્રશ્યો જોવા મળી રહ્યા છે. આ તરફ ઉપલેટાના ખારચીયા ગામે છેલ્લા એક કલાકથી ધોધમાર વરસાદ વરસી રહ્યો છે.