રાજ્યમાં મેઘ મહેર , સુરતના ઉમરપાડામાં આભ ફાટ્યું હવામાન નિષ્ણાંત પરેશ ગોસ્વામીની ભારે વરસાદની આગાહી ગુજરાતની ઉપર સક્રિય થયેલી વરસાદની સિસ્ટમને પગલે આગામી પાંચ દિવસ દરમિયાન રાજ્યમાં ભારેથી અતિભારે વરસાદની આગાહી

રાજ્યમાં મેઘ મહેર , સુરતના ઉમરપાડામાં આભ ફાટ્યું હવામાન નિષ્ણાંત પરેશ ગોસ્વામીની ભારે વરસાદની આગાહી

ગુજરાતની ઉપર સક્રિય થયેલી વરસાદની સિસ્ટમને પગલે આગામી પાંચ દિવસ દરમિયાન રાજ્યમાં ભારેથી અતિભારે વરસાદની આગાહી વચ્ચે સોમવારે બપોર બાદ અમદાવાદના વિવિધ વિસ્તારમાં ભારે વરસાદ જોવા મળ્યો હતો. બપોર બાદ ગાજવીજ સાથે શરુ થયેલા વરસાદને કારણે લોકો પરેશાન થયા હતા. ખાસ કરીને શાળાએથી છૂટવાનો સમય હોવાથી વિદ્યાર્થીઓ હેરાન થયા હતા. 

પૂર્વ અમદાવાદના ઉત્તર ઝોનમાં વરસાદનું જોર વધુ હોવાને પગલે અંડર પાસવાળા એરિયામાં પાણી ભરાઈ ગયા હતા. જેને કારણે રસ્તાઓને બંધ કરી દેવામાં આવ્યા હતા. એકસાથે ત્રણ ત્રણ સિસ્ટમ સક્રિય થતા રાજ્યમાં ભારે વરસાદની આગાહી કરવામાં આવેલી છે. સુરત જિલ્લામાં આજે વહેલી સવારથી શરૂ થયેલો વરસાદ બપોર પછી ધોધમાર બની ગયો હતો. 

ખાસ કરીને ઉમરપાડા તાલુકામાં ભારે વરસાદને કારણે ઘણી ગંભીર પરિસ્થિતિ સર્જાઈ છે.વહેલી સવારે 6 વાગ્યાથી 10 વાગ્યા સુધીના ચાર કલાકમાં ઉમરપાડામાં 14 ઈંચ વરસાદ ખાબક્યો હતો. આટલા ઓછા સમયમાં 14 ઈંચ વરસાદને કારણે ઉમરપાડા સંપૂર્ણપણે જળબંબાકાર થઈ ગયું છે. 

ધોધમાર વરસાદના કારણે નીચાણવાળા વિસ્તારોમાં પાણી ભરાઈ ગયા છે. મુખ્ય માર્ગો પણ પાણીમાં ગરકાવ થઈ ગયા છે, હવામાન નિષ્ણાંત પરેશ ગોસ્વામીની આગાહી અનુસાર દક્ષિણ ગુજરાતના ભરુચ, ડાંગ, તાપી, નવસારી, વલસાડ સહિતના જિલ્લામાં અતિભારે વરસાદી માહોલ રહેશે. જ્યારે ઉત્તર ગુજરાત સહિત સૌરાષ્ટ્રના કેટલાંક વિસ્તારોમાં ભારે વરસાદની આગાહી કરવામાં આવી છે. અમદાવાદ, બનાસકાંઠા, સાબરકાંઠા, આણંદ, વડોદરા, છોટા ઉદેપુર, નર્મદા, પંચમહાલ, જૂનાગઢ, રાજકોટ, ગીર સોમનાથ, અમરેલી, ભાવનગર સહિતના વિસ્તારોમાં ભારે વરસાદ પડવાની શક્યતા છે. 16મી જુલાઈએ સૌરાષ્ટ્ર અને દક્ષિણ ગુજરાતના વિસ્તારોમાં ધોધમાર વરસાદી પડવાની આગાહી છે. જેમાં દેવભૂમિ દ્વારકા, મોરબી, સુરેન્દ્રનગર, અમદાવાદ, આણંદ, વડોદરા, નર્મદા, પંચમહાલ, દાહોદ, મહિસાગર, અમરેલી, ગાંધીનગર જિલ્લામાં ભારે વરસાદ પડી શકે છે.