ગુજરાત વુમન્સ આર્ટિસ્ટ એસોશિએશન દ્વારા મોનસૂન ચિત્ર પ્રદર્શન અમદાવાદની ગુફા આર્ટ ગેલેરી પરિસરમાં આવેલી અમદાવાદ આર્ટ ગેલેરીમાં યોજાયું

ગુજરાત વુમન્સ આર્ટિસ્ટ એસોશિએશન દ્વારા મોનસૂન ચિત્ર પ્રદર્શન અમદાવાદની ગુફા આર્ટ ગેલેરી પરિસરમાં આવેલી અમદાવાદ આર્ટ ગેલેરીમાં યોજાયું 

ગુજરાત વુમન્સ આર્ટિસ્ટ એસોશિએશન દ્વારા મોનસૂન ચિત્ર પ્રદર્શન અમદાવાદની ગુફા આર્ટ ગેલેરી પરિસરમાં આવેલી અમદાવાદ આર્ટ ગેલેરીમાં યોજાયું છે. 

તારીખ ૨૫ જૂનના રોજ જાણીતા ચિત્રકાર તૃપ્તિ બહેન દવે અને ડો.પ્રો.શિવાંગી ખાંડવાલાની ઉપસ્થિતિમાં દીપ પ્રાગટ્ય કરીને પ્રદર્શન ખુલ્લું મુકાયું . ચિત્રકાર હંસા પટેલ અને ચિત્રકાર નયના મેવાડાની આગેવાનીમાં આ ચિત્રપ્રદર્શન યોજાયું . તેમણે જણાવ્યું કે પરિવારની જવાબદારી સાચવીને અહીં ભાગ લીધેલ મહિલાઓએ સુંદર ચિત્રોનું સર્જન પોતાની આગવી શૈલીમાં કર્યું છે . મહિલાઓને મંચ પૂરું પાડવાના ઉમદા હેતુ સાથે ગુજરાત વુમન્સ આર્ટિસ્ટ એસોશિએશન હમેશા તત્પર છે . અને દરવર્ષે અલગ અલગ થીમ પર ચિત્ર પ્રદર્શનનું આયોજન કરે છે . જેમાં મુખ્યત્વે ગણેશ મહોત્સવ અને વિશ્વ મહિલા દિવસ અંતર્ગત ચિત્ર પ્રદર્શનનું આયોજન કરે છે . આ વર્ષે મોનસૂન થીમ પર ચિત્ર પ્રદર્શનમાં મહિલાઓએ ખુબ સુંદર કલાકૃતિઓનું સર્જન કરીને આર્ટ ગેલેરીમાં પ્રદર્શિત કરી છે. 

મહિલા આર્ટિસ્ટમાં છુપાયેલી સુષુપ્ત કલાને જાગૃત કરીને તેમની સર્જનાત્મક શક્તિઓને નવી દિશા બતાવવાનો પ્રયત્ન સફળ થયો છે. 

આ ચિત્રપ્રદર્શનમાં ૨૩ મહિલા ચિત્રકારોએ ૪૬ ચિત્રો પ્રદર્શિત કર્યા છે. અલગ અલગ વિષય અંતર્ગત રજુ કરેલા ચિત્રો કલા રસિકોમાં આકર્ષણનું કેન્દ્ર બન્યા છે. આ ચિત્ર પ્રદર્શન દરમિયાન કલા વિષયક ચર્ચા , લાઈવ પેઇન્ટિંગ ડેમોનું આયોજન પણ કરવામાં આવ્યું છે .

આ ચિત્ર પ્રદર્શન ૩૦ જૂન ૨૦૨૪ સુધી નિહાળી શકાશે.