'ઝીરો કેઝ્યુલિટી' સાથે કામગીરી રાજ્યમાં NDRF અને SDRFની ટીમ દ્વારા બચાવ અને રાહત રેસ્ક્યુ કામગીરી વિશ્વામિત્રી નદીમાં જળસ્તર વધતા લોકોનું કરાયું સ્થળાંતર

 'ઝીરો કેઝ્યુલિટી' સાથે કામગીરી રાજ્યમાં NDRF અને SDRFની ટીમ દ્વારા બચાવ અને રાહત રેસ્ક્યુ કામગીરી વિશ્વામિત્રી નદીમાં જળસ્તર વધતા લોકોનું કરાયું સ્થળાંતર

ભોજન અને પીવાના પાણીની સુચારુ વ્યવસ્થા કરતું જિલ્લા પ્રશાસન

ભારે વરસાદની સ્થિતિમાં NDRF અને SDRFતૈનાત

અસરગ્રસ્ત વિસ્તારમાં બચાવ અને રાહત કામગીરી

પોરબંદર જિલ્લામાં 6 લોકોનું NDRF દ્વારા રેસક્યુ  

રાજ્યમાં પ્રવર્તમાન ભારે વરસાદની સ્થિતિને પહોંચી વળવા માટે NDRF અને SDRFની ટીમ બચાવ અને રાહત રેસ્ક્યુ કામગીરી કરી રહી છે. આજે પોરબંદર જિલ્લાના ચિંગરીયા અને માંડેર ગામના નીચાણવાળા વિસ્તારામાં ફસાયેલા 6 લોકોનું રેસક્યુ NDRF ટીમ દ્વારા કરવામાં આવ્યું હતું. 

નાના બાળકને મેડિકલ ઈમરજન્સી ઉભી થતા NDRFની ટીમે 2 બાળક , એક પુરુષ અને એ મહિલા સહિત કુલ 6 લોકોનું રેસક્યુ કરીને સુરક્ષિત રીતે હોસ્પિટલ ખાતે ખસેડ્યા હતા. 

દક્ષિણ ગુજરાતમાં છેલ્લા દિવસથી પડેલા ભારે વરસાદથી નીચાણવાળા વિસ્તારમાં પાણી ભરાતા લોકો અસરગ્રસ્ત થયા છે. જિલ્લા પ્રશાસન દ્વારા 'ઝીરો કેઝ્યુલિટી' સાથે કામગીરી કરવામાં આવી રહી છે. આજે સુરતના ઓલપાડ તાલુકાના વાડોલી ગામ ભારે વરસાદથી નીચાણ વાળા વિસ્તારમાં પાણી ભરાતા 4 લોકો ફસાયેલા હતા. સ્થાનિક પ્રશાસન અને NDRF ની ટીમ દ્વારા ફસાયેલા 4 લોકો અને પશુઓનું રેસ્ક્યુ કરી સલામત સ્થળે ખસેડવામાં આવ્યા હતા. 

વડોદરાના સુખલીપૂરામાંથી ૧૪૧ લોકોનું કરાયું સ્થળાંતર

વિશ્વામિત્રી નદીમાં જળસ્તર વધતા સ્થળાંતર

ભોજન અને પીવાના પાણીની સુચારુ વ્યવસ્થા કરતું જિલ્લા પ્રશાસન

આસોજ ગામની વડોદરા ગ્રામ્ય મામલતદારે લીધી મુલાકાત

વડોદરાના સુખલીપૂરામાંથી ૭૧ અને કોટાલીમાંથી ૭૦ સહિત કુલ ૧૪૧ લોકોનું કરાયું સ્થળાંતર કરાયું. આજવા સરોવરમાંથી પાણી છોડાતા વિશ્વામિત્રી નદીમાં જળસ્તર વધતા નદી કિનારાના સુખલીપૂરામાંથી ૭૧ અને કોટાલીમાંથી ૭૦ સહિત કુલ ૧૪૧ લોકોને આશ્રય સ્થાનોમાં ખસેડવામાં આવ્યા. 

આશ્રયસ્થાનોમાં આશરો લેતા લોકોને જિલ્લા પ્રશાસન દ્વારા ભોજન અને પીવાના પાણીની પણ સુચારુ વ્યવસ્થા કરવામાં આવી છે. વિશ્વામિત્રી નદી કિનારાના સુખલીપુરા, કોટાલી, દેણા અને આસોજ ગામની વડોદરા ગ્રામ્ય મામલતદારે મુલાકાત લીધી હતી. નદીમાં જળસ્તર વધતાં આ ગામોના લોકોનો રૂબરૂ સંપર્ક કરી સાવચેત કરવા સાથે અગમચેતીના પગલાં તાલુકા તંત્ર વાહકો દ્વારા લેવામાં આવ્યા છે.