ભાવનગર જિલ્લામાં આ દ્રશ્ય જોઇ રહેલા લોકોએ કરી ચીસાચીસ ,પાણીના વહેણમાં કાર તણાઈ વાંચો ક્યાં થઇ મેઘમહેર રાજ્યના 90 તાલુકાઓમાં વરસાદ નોંધાયો છે .

ભાવનગર જિલ્લામાં આ દ્રશ્ય જોઇ રહેલા લોકોએ કરી ચીસાચીસ ,પાણીના વહેણમાં કાર તણાઈ વાંચો ક્યાં થઇ મેઘમહેર 

કોઝવે પરથી પસાર થતા પાણીમાં કાર તણાઇ

ઘોઘા તાલુકામાં મોરચંદ ગામ પાસે પાણીના વહેણમાં કાર તણાઈ 

કારમાં સવાર બે વ્યક્તિઓનો આબાદ બચાવ

ભાવનગરમાં ઘોઘા તાલુકામાં મોરચંદ ગામ પાસે કોઝવે પરથી પસાર થતા પાણીમાં કાર તણાઇ હતી. જેને પગલે દ્રશ્ય જોઇ રહેલા લોકોએ ચીસાચીસ કરી મુકી હતી. મળતી માહિતી પ્રમાણે કારમાં સવાર બે લોકોએ ધસમસતા પ્રવાહ વચ્ચેથી કાર પસાર કરવાની કોશિશ કરી હતી. પરંતુ કોઝવે પરથી ભારે પ્રવાહ વહેતો હતો . પાણીના વહેણમાં કાર તણાઈ હતી. 

જોકે કારમાં સવાર બંને લોકોએ સમય સુચકતા વાપરી ઉતરી જતા આબાદ બચાવ થયો. ગામલોકો દ્વારા પાણીન વહેણમાં તણાયેલી કારને પણ સલામત રેસ્ક્યુ કરી લેવામાં આવી છે. ઉપરવાસના વિસ્તારમાં ધોધમાર વરસાદ વરસતા નદીમાં ભારે પુર આવતા કોઝવે પરથી પાણી વહી રહ્યા છે. 

રાજ્યમાં મેઘરાજા મહેરબાન છે ત્યારે ગુજરાતમાં સવારે 6 વાગ્યાથી સાંજના 6 વાગ્યા સુધીમાં રાજ્યના 90 તાલુકાઓમાં વરસાદ નોંધાયો છે . સુરત સીટી અને ગ્રામ્ય બન્નેમાં આજે વરસાદી માહોલ છવાયેલો જોવા મળ્યો હતો.. સુરતના કામરેજમાં 3 ઇંચથી વધુ વરસાદ નોંધાયો હતો. આણંદના બોરસદમાં આજે મેઘરાજા મન મુકીને વરસ્યા હતા અને 3 ઇંચથી વધુ વરસાદ વરસ્યો હતો. ઉપલેટામાં 2 ઇંચથી વધુ વરસાદ નોંધાયો છે. અમરેલી જિલ્લાના ખાંભામાં લગભગ 2 ઇંચ જેટલો વરસાદ નોંધાયો હતો. નવસારી જિલ્લાના જલાલપોરમાં અંદાજે 2 ઇંચ જેટલો વરસાદ નોંધાયો હતો.

રાજકોટમાં ફરી થઈ મેઘરાજાની મહેર 

રાજકોટમાં ધોધમાર વરસાદ ખાબક્યો  

રાજકોટમાં બે દિવસના વરાપ બાદ મેઘરાજાની પધરામણી 

શહેરીજનોને ઉકળાટમાંથી થયો આંશિક છુટકારો

રાજકોટમાં આજે મેઘરાજાએ ફરી એક વાર પધરામણી કરીને શહેરીજનોને ગરમી અને બફારામાંથી મુક્તિ અપાવી હતી શહેર સહીત આસપાસના ગ્રામ્ય પંથકમાં પણ વરસાદ ખાબક્યો હતો. વરસાદ વરસતા રાજકોટ શહેરમાં ગરમીથી છુટકારો મેળવ્યો હતો. ગુજરાતમાં છેલ્લા કેટલાક દિવસોથી વરસાદી માહોલ જામ્યો છે, ઉત્તરથી લઇને દક્ષિણ અને સૌરાષ્ટ્ર-કચ્છમાં ધોધમાર વરસાદ વરસી રહ્યો છે. 

હવામાન વિભાગે પણ ગુજરાતમાં આગામી અઠવાડિયે ભારેથી અતિભારે વરસાદની આગાહી કરી છે. રાજ્યમાં આજે મેઘરાજા મહેરબાન છે ત્યારે ગુજરાતમાં સવારે 6 વાગ્યાથી સાંજના 6 વાગ્યા સુધીમાં રાજ્યના 90 તાલુકાઓમાં વરસાદ નોંધાયો છે .