મહારાષ્ટ્રમાં પેટ્રોલ ડીઝલ સસ્તું થયું ડિઝલ પરનો ટેક્સ 24 ટકાથી ઘટાડીને 21 ટકા અને પેટ્રોલ પરનો ટેક્સ 26 ટકાથી ઘટાડી 25 ટકા કરવામાં આવશે

મહારાષ્ટ્રમાં પેટ્રોલ ડીઝલ સસ્તું થયું ડિઝલ પરનો ટેક્સ 24 ટકાથી ઘટાડીને 21 ટકા અને પેટ્રોલ પરનો ટેક્સ 26 ટકાથી ઘટાડી 25 ટકા કરવામાં આવશે

મહારાષ્ટ્રની સરકારે મોંઘવારીના મોરચે લડી રહેલી પ્રજાને મોટી રાહત આપી છે. મહારાષ્ટ્રના નાયબ મુખ્યમંત્રી અજિત પવારે કહ્યું છે કે, મુંબઈ રીઝનમાં ડિઝલ પરનો ટેક્સ 24 ટકાથી ઘટાડીને 21 ટકા અને પેટ્રોલ પરનો ટેક્સ 26 ટકાથી ઘટાડી 25 ટકા કરવામાં આવશે. આનો અમલ થયા બાદ પ્રતિ લિટર ડિઝલની કિંમતમાં બે રૂપિયાનો ઘટાડો અને પ્રતિ લિટર પેટ્રોલની કિંમતમાં 65 પૈસાનો ઘટાડો થશે.મુંબઈમાં પેટ્રોલ-ડિઝલની વર્તમાન કિંમત (Petrol Diesel Rates)ની વાત કરીએ તો, અહીં પેટ્રોલની કિંમત 104.21 રૂપિયા છે અને ડિઝલની કિંમત 92.15 રૂપિયા છે. 

નવી રાહત મળ્યા બાદ પેટ્રોલનો ભાવ 103.66 રૂપિયા અને ડિઝલનો ભાવ 90.08 રૂપિયા પર થઈ જશે.મહારાષ્ટ્ર સરકારે એક કલ્યાણકારી યોજના અંગે પણ મહત્વની જાહેરાત કરી છે. આ અંગે નાણાં મંત્રીએ કહ્યું કે, ‘પાંચ સભ્યોના પાત્ર પરિવારને મુખ્યમંત્રી અન્નપૂર્ણા યોજના (Mukhyamantri Annapurna Yojana) હેઠળ દર વર્ષે ત્રણ રસોઈ ગેસ સિલિન્ડર (Cooking Gas Cylinder) ફ્રી અપાશે.’ ઉલ્લેખનીય છે કે, નાયબ મુખ્યમંત્રી અજિત પવારે (Ajit Pawar) શુક્રવારે વિધાનસભામાં રાજ્યનું વર્ષ 2024-25નું બજેટ રજૂ કર્યું હતું. બજેટમાં મહિલાઓને માસિક રૂ.1500 આપવાની યોજના જાહેર કરાઈ છે. 

આ ભથ્થું 21થી 60 વર્ષની વયની મહિલાઓને મળશે.રાજ્યમાં નાણાં મંત્રાલયનો કાર્યભાર સંભાળી રહેલા અજિત પવારે બજેટ ભાષણમાં કહ્યું કે, “રાજ્યમાં જુલાઈ મહિનામાં ‘મુખ્યમંત્રી માઝી લાડકી બહિન યોજના (Mukhyamantri Majhi Ladki Bahin Yojana)’ શરૂ કરાશે અને આ યોજના માટે વાર્ષિક 46 હજાર કરોડ રૂપિયાનું બજેટ ફાળવાશે.” આ ઉપરાંત પવારે રાજ્યના 44 લાખ ખેડૂતોના વીજ બિલના લેણાં માફ કરવાની પણ જાહેરાત કરી હતી.