Lok Sabha Election 2024 : લોકસભા ચૂંટણી ખરા ઉનાળે યોજાવાની હોય હવે રાજકીય પક્ષોની ચિંતામાં વધારો થયો છે. દેશભરમાં 7 તબક્કામાં યોજાનાર લોકસભા ચૂંટણી આપણે ત્યાં ગુજરાતમાં 7 મે ના રોજ યોજાનાર છે.
જોકે આ સમયગાળા દરમિયાન ગુજરાતમાં કાળઝાળ ગરમી પડશે. જેને લઈ હવે રાજકીય પક્ષો ચિંતામાં મુકાયા છે. આ સાથે એક બાજુ કાળઝાળ ગરમી, ઉનાળુ વેકેશન અને સળંગ ત્રણ રજાઓનો સંજોગ સર્જાતાં નેતાઓ પણ ચિંતાગ્રસ્ત બન્યા છે.
ગુજરાતમાં વર્ષ 1996 બાદ પ્રથમ વાર મે મહિનામાંઆ લોકસભાની ચૂંટણીનું મતદાન યોજાનાર છે. રાજ્યમાં લોકસભાની તમામ 26 બેઠકો પર ચૂંટણીના ત્રીજા તબક્કામાં એટલે કે 7 મેના રોજ મંગળવારના રોજ મતદાન યોજાનાર છે. જોકે આ તારીખ દરમિયાન રાજ્યમાં ખરો ઉનાળો ચાલી રહ્યો હશે. જોકે આ વખતે હવે ભર ઉનાળાએ મતદાન દિવસ, ઉનાળુ વેકેશન અને સળંગ ત્રણ રજાનો સંજોગો સર્જાતા રાજકીય પક્ષો ચિંતામાં મુકાઈ ગયા છે.
જેને લઈ હવે રાજકીય પક્ષોના કાર્યકર્તાઓ ઘરે ઘરે ફરીને મતદાન કરવાની અપીલ ઉપરાંત જો બહાર જવાનું આયોજન હોય તો મતદાન કર્યા બાદ બહાર ફરવા જજો તેવી અપીલ મતદારોને કરી રહ્યા છે.ચૂંટણી પંચ દ્વારા લોકસભાની તારીખોની જાહેરાત કરતાની સાથે જ વહીવટી તંત્ર દ્વારા તમામ તૈયારીઓ શરૂ કરી દેવામાં આવી છે. ત્યારે ગુજરાતમાં લોકસભાની 26 બેઠકો તેમજ વિધાનસભાની 6 બેઠકો પર પેટા ચૂંટણી યોજાવાની છે.
ચૂંટણી પંચ દ્વારા રાજ્યમાં ત્રીજા તબક્કામાં 7 મે નાં દિવસે ગુજરાતની તમામ 26 લોકસભા બેઠકો પર શાંતિપૂર્ણ મતદાન થાય તે માટેની તમામ તૈયારીઓ હાલમાં ચાલી રહી છે. લોકસભાની ચૂંટણીનાં દિવસે લોકો વધુમાં વધુ મતદાન કરે તે માટે ગુજરાત સરકાર દ્વારા મહત્વનો નિર્ણય કરવામાં આવ્યો છે.
ગુજરાતમાં 7 મેના દિવસે લોકસભાની ચૂંટણી છે. તમામ 26 બેઠકો પર એક જ દિવસમાં મતદાન થઈ જશે. આ દિવસે લોકો સરળતાથી વોટિંગ કરી શકે તે માટે ગુજરાત સરકારે 7 મેના દિવસે જાહેર રજા જાહેર કરી છે.
સામાન્ય વહીવટ વિભાગ (જીએડી) દ્વારા બહાર પાડવામાં આવેલા જાહેરનામામાં એવું જણાવાયું છે કે ઔદ્યોગિક એકમ અથવા મતવિસ્તારની બહાર સ્થિત કંપનીમાં કામ કરતા લોકો જ્યાં તેઓ મતદાર તરીકે નોંધાયેલા છે, તેઓ લોકપ્રતિનિધિત્વ અધિનિયમની કલમ 135 (બી) (1) મુજબ 7 મેના રોજ "પેઈડ હોલિડે" મેળવવા માટે હકદાર રહેશે જેથી તેઓ પોતાના મતાધિકારનો ઉપયોગ કરી શકે.
પાંચ વિધાનસભા બેઠકોની પણ પેટાચૂંટણી
લોકસભાની 26 બેઠકોની સાથે પાંચ વિધાનસભા બેઠકોની પણ પેટાચૂંટણી થવાની છે જેમાં વિજાપુર, ખંભાત, વાઘોડિયા, માણાવદર અને પોરબંદર સામેલ છે.
7મેના દિવસે 26 બેઠકો પર વોટિંગ
ગુજરાતમાં 7મા દિવસે 26 બેઠકો પર એમ એક જ તબક્કામાં વોટિંગ થવાનું છે. આ માટે ચૂંટણી પંચે તૈયારીઓ પણ પૂર્ણ કરી લીધી છે.
હોમ
બ્રેકિંગ ન્યૂઝ
हिंदी समाचार
ભારત
ગુજરાત
ચુંટણી ૨૦૨૪
દુનિયા
રાજનૈતિક
સામાજીક
સિનેમા, TV અને OTT
ઇવેન્ટ્સ
સોશિયલ મીડીયા
કલા અને સંસ્કૃતિ
રંગોના તરંગો
ધર્મ
રમત-ગમત
વેપાર
ટેકનોલોજી
ઇતિહાસ
વાઇલ્ડલાઈફ
લાઈફ સ્ટાઈલ
રસોઈ-વાનગી
વિશેષ વાંચન
સપર્ક
અમારા વિષે
