વડાપ્રધાન નરેન્દ્ર મોદીએ રાજસ્થાન અને છત્તીસગઢમાં ચૂંટણી રેલીઓને સંબોધન કરતા કોંગ્રેસની ઝાટકણી કાઢી હતી. મોદીએ કોંગ્રેસ પર સંપત્તિ મુસ્લિમોમાં વહેંચવાનો આક્ષેપ તેમણે કહ્યું કે, કોંગ્રેસે દેશમાં એસસી-એસટીની અનામત ઘટાડીને મુસ્લમોને આપવાની યોજના બનાવી હતી

લોકસભા ચૂંટણીના બીજા તબક્કાના મતદાન માટે પ્રચારનો બુધવારે છેલ્લો દિવસ છે ત્યારે વડાપ્રધાન નરેન્દ્ર મોદીએ રાજસ્થાન અને છત્તીસગઢમાં ચૂંટણી રેલીઓને સંબોધન કરતા કોંગ્રેસની ઝાટકણી કાઢી હતી. મોદીએ કોંગ્રેસ પર સંપત્તિ મુસ્લિમોમાં વહેંચવાનો આક્ષેપ કરવાની સાથે મંગળવારે નવો હુમલો કર્યો હતો. તેમણે કહ્યું કે, કોંગ્રેસે દેશમાં એસસી-એસટીની અનામત ઘટાડીને મુસ્લમોને આપવાની યોજના બનાવી હતી. આ સાથે કર્ણાટકની ઘટનાનો ઉલ્લેખ કરતાં તેમણે કહ્યું કે, કોંગ્રેસ રાજમાં હનુમાન ચાલીસા સાંભળવી પણ ગુનો બની જાય છે. કોંગ્રેસ તેના ભ્રષ્ટાચારને છુપાવવા માટે હિંસાને પ્રોત્સાહન આપે છે.

તેમણે ઉમેર્યું કે હું દેશને જણાવવા માગું છું કે કોંગ્રેસ વોટ બેન્કના કળણમાં એટલી ધસી ગઈ છે કે તેને બાબાસાહેબ આંબેડકરના બંધારણની પણ ચિંતા નથી. તેમણે લખ્યું છે કે સંપત્તિનો સરવે કરાવીશું. તેમના એક નેતાએ ભાષણમાં કહ્યું કે, એક્સરે કરાવાશે. એટલે કે તમારા ઘરમાં બાજરાની અંદર ડબ્બામાં રાખેલું હશે તે પણ શોધી કઢાશે. તેમના નેતાએ જાહેરમાં કહ્યું છે કે તમારી બધી જ સંપત્તિ પર કબજો કરી લેવાશે અને લોકોમાં વહેંચી દેવાશે.