આઈએમડીએ આપી રેમલ વાવાઝોડાની અપડેટ બાંગ્લાદેશ અને પ.બંગાળના દરિયાકાંઠાની વચ્ચેથી પસાર થવાની સંભાવના બાંગ્લાદેશથી 490 કિમી દક્ષિણમાં ઊંડા ડિપ્રેશનમાં તીવ્ર બન્યું

આઈએમડીએ આપી રેમલ વાવાઝોડાની અપડેટ 

25મીથી 27મી મેના રોજ હળવાથી મધ્યમ વરસાદની શરૂઆત થશે. ભારેથી અતિભારે વરસાદ ઉપરાંત પશ્ચિમ બંગાળમાં અતિ ભારે વરસાદની પણ શક્યતા છે. ઉત્તર ઓડિશાના દરિયાકાંઠાના વિસ્તારોમાં 40-50 કિમી પ્રતિ કલાકની ઝડપે ભારે વરસાદ પડી શકે છે. તમામ પૂર્વોત્તર રાજ્યોમાં વરસાદ પડશે અને કેટલાક વિસ્તારોમાં વધુ વરસાદની ચેતવણી આપવામાં આવી છે.

ભારતીય કોસ્ટ ગાર્ડ (ICG)એ રેમલ વાવાઝોડું માટે તૈયારી કરવા માટે સક્રિય પગલાં લીધાં છે. દરિયામાં જાનમાલના સંભવિત નુકસાનને ઘટાડવા માટે રાહત અને બચાવની ટીમ તહેનાત કરવામાં આવી છે. સંરક્ષણ મંત્રાલયના જણાવ્યા અનુસાર, ' એનડીઆરએફની નવ ટીમ હલ્દિયા, પારાદીપ, ગોપાલપુર અને ફ્રેઝરગંજ સહિતના સ્થળો પર તહેનાત કરવામાં આવી છે, જે કટોકટીની સ્થિતિમાં તાત્કાલિક સહાય પૂરી પાડવા માટે તૈયાર છે.'

ઉત્તરપૂર્વ ભારતના કેટલાક ભાગોમાં 27મી અને 28મી મેના રોજ ભારે વરસાદ પડી શકે છે. જ્યારે વાવાઝોડું દરિયાકાંઠે અથડાશે ત્યારે પશ્ચિમ બંગાળ અને બાંગ્લાદેશના દરિયાકાંઠાના વિસ્તારોમાં 1.5 મીટર ઊંચા મોજા ઉછળી શકે છે. આ ઉપરાંત દરિયામાં હાજર માછીમારોને 27મી મે સુધી કિનારે પાછા ફરવાની અને બંગાળની ખાડીમાં ન જવાની સલાહ આપવામાં આવી છે. પશ્ચિમ બંગાળના દક્ષિણ અને ઉત્તર 24 પરગણા જિલ્લાના દરિયાકાંઠાના જિલ્લાઓ માટે 26મી અને 27મી મેના રોજ રેડ એલર્ટ જાહેર કર્યું છે.

26મી અને 27મી મેના રોજ પશ્ચિમ બંગાળના દક્ષિણ 24 પરગણામાં પવનની ઝડપ 100થી 110 કિમી પ્રતિ કલાક અને ઉત્તર 24 પરગણામાં 90થી 100 કિમી પ્રતિ કલાકથી 110 કિમી પ્રતિ કલાકની ઝડપે રહેવાની ચેતવણી આપી છે, જેમાં ભારે વરસાદની આગાહી કરવામાં આવી છે.