સૂર્યમાંથી બહાર ફેંકાયેલા વિદ્યુત ચુંબકીય તોફાનની ભયંકર થપાટથી પૃથ્વીના ઘણા દેશમાં રેડિયો બ્લેેક આઉટ. આકાશમાં ઘુમતા સેટેલાઇટસ વગેરેને ભારે નુકસાન થાય તેવી સર્જાવાની પૂરી શકયતા છે. નોઆના સિનિયર વિજ્ઞાાની રોબ સ્ટીનબર્ગે એવી માહિતી પણ આપી છે કે આ વિદ્યુત ચુંબકીય સૌર તોફાન - જી ૫- પ્રકારનું છે.

સૂર્યમાંથી બહાર ફેંકાયેલા વિદ્યુત ચુંબકીય તોફાનની ભયંકર થપાટથી પૃથ્વીના ઘણા દેશમાં રેડિયો બ્લેેક આઉટ (સંદેશા વ્યવહાર,ટેલિવિઝન પ્રસારણ, વીજળી) પુરવઠો ખોરવાઇ જાય. આકાશમાં ઘુમતા સેટેલાઇટસ વગેરેને ભારે નુકસાન થાય તેવી સર્જાવાની પૂરી શકયતા છે.

નોઆના સિનિયર વિજ્ઞાાની રોબ સ્ટીનબર્ગે એવી માહિતી પણ આપી છે કે આ વિદ્યુત ચુંબકીય સૌર તોફાન - જી ૫- પ્રકારનું છે. જી -૫ ની શ્રેણીનું સૌર તોફાન સૌથી વિનાશક ગણાય છે. આ જ પ્રકારના સૌર તોફાનની ભયંકર અસર ૨૦૦૩માં પણ પૃથ્વીને થઇ હતી. તે વખતે સ્વિડન અને સાઉથ આફ્રિકામાં વીજળી પુરવઠો સદંતર ખોરવાઇ ગયો હતો. બંને દેશના પાવર ટ્રાન્સફોર્મરને ભારે નુકસાન થયું હતું. 

નોઆનાં સૂત્રોએ તો એવી ચેતવણી પણ આપી છે કે સૂર્યનારાયણ અતિ અતિ ક્રોધે ભરાયા છે. સૂર્યમાં ભારે રહસ્યમય ખળભળાટ થઇ રહ્યો છે. અમેરિકાની અંતરિક્ષ સંશોધન સંસ્થા નેશનલ એરોનોટિક્સ એન્ડ સ્પેસ એડમિનિસ્ટ્રેશન(નાસા)ની સોલાર ડાયનેમિક્સ ઓબ્ઝર્વેટરીએ ૨૦૨૪ની ૪,૫ મે એ સૂર્યમાં થતા ભયંકર ખળભળાટની ઇમેજીસ લીધી છે.હવે સૌર તોફાનની પ્રચંડ થપાટ પૃથ્વીને વાગી છે ત્યારે તેની સીધી અને અતિ વ્યાપક અસર પૃથ્વીના વાતાવરણના ઉપરના પટ્ટામાં થવાની પૂરી શક્યતા છે.પરિણામે આ વિદ્યુત ચુંબકીય તોફાનમાંની ઉર્જાનો વિપુલ અને ભારે તોફાની જથ્થો પૃથ્વીના સમગ્ર વાતાવરણમાં પણ ખળભળાટ મચાવે તેવી ચિંતાજનક પરિસ્થિતિ સર્જાઇ શકે છે.