જામ ખંભાળીયામાં પોલીસની બોલિંગ પર જનતાએ કરી ફટકાબાજી પોલીસ તંત્ર અને જનતા વચ્ચે ટ્રાફિક જાગૃતિના હેતુ સાથે રોયલ કપ ક્રિકેટ ટુર્નામેન્ટ યોજાઈ .12 ટીમોએ ટુર્નામેન્ટમાં ભાગ લીધો

જામ ખંભાળીયામાં પોલીસની બોલિંગ પર જનતાએ કરી ફટકાબાજી 

આ ટુર્નામેન્ટનો હેતુ દ્વારકા જિલ્લાના લોકો ટ્રાફિક પ્રત્યે વધુ જાગૃત બને અને સુરક્ષા નિયમોની અમલવારી કરે તે હેતુથી જિલ્લા ટ્રાફિક પોલીસના ઉપક્રમે ખંભાળિયામાં બોક્સ ક્રિકેટ ટુર્નામેન્ટનું આયોજન કરવામાં આવ્યું હતું. ટ્રાફિક અંગેની જાગૃતિ તેમજ પ્રજા અને પોલીસ વચ્ચેનું સમન્વય વધુ સુદ્રઢ બને તે હેતુથી જિલ્લા પોલીસ વડા નિતેશ પાંડેયના વડપણ હેઠળ જામનગર હાઇવે આવેલ બોક્સમાં ક્રિકેટ ટુર્નામેન્ટ યોજાઈ હતી જેમાં ખંભાળિયા તથા આસપાસ વિસ્તારની કુલ 12 જેટલી ટીમોએ ભાગ લીધો હતો.

આ તકે ટ્રાફિક પોલીસ દ્વારા ટ્રાફિક જાગૃતિ અંતર્ગત પત્રીકા ઓનું વિતરણ કરાયું હતુ તેમજ આ લોકજાગૃતિના અભિગમ સાથેનું આ આયોજન આવકારદાયક બની રહ્યું હતું..આ જનજાગૃતિ કાર્યક્રમમાં મોટી સંખ્યામાં લોકો સહભાગી થયા હતા અને લોકો તરફથી ખૂબ જ સારો એવો પ્રતિસાદ પણ મળ્યો હતો.

અકસ્માતોમાં થયેલ વધારો ચિંતાજનક છે. જે દેશના દરેક નાગરિકમાં યોગ્ય રીતે વાહન ચલાવવા અંગે જાગૃતિ અને કેળવણી હોય તો દેશના કોઈપણ ભાગના ટ્રાફિક નિયંત્રણ પોલીસની જરૂરિયાત રહેતી નથી 

આપણે જણાવી દઈએ કે ટ્રાફીક પોલીસ દ્વારા લોકોમાં ટ્રાફિક અંગે અવેરનેસ આવે તે માટે દરવર્ષે ટ્રાફિક જાગૃતિ સપ્તાહનું આયોજન કરે છે.અને આ સપ્તાહ દરમિયાન વિવિધ કાર્યક્રમો થકી લોકો ને ટ્રાફિક નિયમન અંગે જાગૃત કરવામાં આવે છે.હવે ટ્રાફિક પોલીસ દ્વારા સપ્તાહ થી એક પગલું આગળ વધી લોકોમાં અવેરનેસ માટે વિવિધ સ્લોગન સાથેના કૅલેન્ડર અને સ્ટીકર લગાવવામાં આવે છે. જેમાં ટ્રાફિક નિયમન કરવાના ફાયદા અને દંડ વગેરે ની માહિતી આપવામાં આવે છે.