લો બોલો ! ડાળખીથી ડુંગરની આગ ઓલવવાનો પ્રયત્ન કરતા નેતાજી થયા ટ્રોલ ઉત્તરાખંડના મંત્રીનો વીડિયો સોશિયલ મીડિયા પર થયો વિડિઓ વાયરલ

લો બોલો ! ડાળખીથી ડુંગરની આગ ઓલવવાનો પ્રયત્ન કરતા નેતાજી થયા ટ્રોલ ઉત્તરાખંડના મંત્રીનો વીડિયો સોશિયલ મીડિયા પર થયો વિડિઓ વાયરલ 

ઉત્તરાખંડના જંગલોમાં આગની ઘટનાઓ થઈ રહી છે. આગની ઘટનાઓ પર કાબૂ મેળવવામાં તંત્ર નિષ્ફળ જોવા મળી રહ્યું છે. આંકડા અનુસાર અત્યાર સુધી સીઝનમાં 1,242થી વધુ આગ લાગવાની ઘટનાઓ થઈ ચૂકી છે. 

1696.32 હેક્ટરથી વધુ જંગલ આગની લપેટમાં આવી ચૂક્યા છે. આ દરમિયાન ઉત્તરાખંડના એક મંત્રીનો વીડિયો સોશિયલ મીડિયા પર ઝડપથી વાયરલ થઈ રહ્યો છે, જેને લઈને તેમની ખૂબ ટીકા થઈ રહી છે અને લોકોના આક્રોશને પણ વેઠવો પડી રહ્યો છે.

સોશિયલ મીડિયા પર ટ્રોલ કરી રહ્યાં છે લોકો

એક સોશિયલ મીડિયા યૂઝરે લખ્યું કે આ પ્રકારની ઘટનાઓને રોકવા માટે અમુક આકરા અને મોટા પગલા ઉઠાવવાના બદલે મંત્રીજી પણ રીલ બનાવી રહ્યાં છે. ઉત્તરાખંડમાં જંગલની આગ ઓલવવાનો પ્રયત્ન કરતાં મંત્રી પ્રેમચંદ્ર અગ્રવાલ, સારા છે પરંતુ સવાલ એ છે કે શું આ વિકરાળ સમસ્યાથી આ રીતે છુટકારો મેળવી શકાય છે. 

એકે લખ્યું કે પ્રેમચંદ્ર અગ્રવાલજી જે રીતે એક ડાળખીથી આગ ઓલવી રહ્યાં છે. દેશના ફાયર બ્રિગેડને તેમની પાસેથી શીખવું જોઈએ. તેમના આ વીર કારનામાની દેશ દુનિયામાં પ્રશંસા થઈ રહી છે. શક્ય છે કે આની પર ટૂંક સમયમાં જ ફિલ્મ પણ બની જાય. નેતાજી નો વિડીયો જોઈને સોશિયલ મીડિયા ઉપર લોકો મજા લઈ રહ્યા છે અને અવનવી કોમેન્ટ પણ કરી રહ્યા છે