સુરત : SOGએ લીંબાયત વિસ્તારમાંથી ડુપ્લીકેટ નોટ છાપવાનું કારખાનું ઝડપ્યું
ન્યુઝ પેપર છાપવાની આડમાં ડુપ્લીકેટ નોટ છાપવામાં આવતી હતી
પોલીસને 500 અને 200 રૂપિયાના દરની 9 લાખ રૂપિયાની નકલી ચલણી નોટો કબજે કરી
સુરતમાં નકલી ચલણી નોટ છાપવાનું કારખાનું ઝડપાયું છે. જેમાં મળતી માહિતી મુજબ એસઓજીએ લીંબાયત વિસ્તારમાંથી આ કારખાનું પકડ્યું છે.લારીઓ ઉપર મજૂર બનીને શખ્સની ઓફિસની આજુબાજુના વિસ્તારમાં રહીને આ શખ્સ ઉપર છેલ્લા બે મહિનાથી વોચ રાખવામાં આવી હતી.
જેમાં અખબાર છાપવાની આડમાં ડુપ્લીકેટ નોટ છાપવામાં આવતી હોવાની પ્રાથમિક વિગતો સામે આવી છે. પોલીસે આ કેસમાં એક વ્યકિતની ધરપકડ કરી છે. તેમજ આ સ્થળેથી પોલીસને પ્રિન્ટર, લેપટોપ અને ચલણી નોટોના ગ્રાફ કબજે કર્યા છે. આ સમગ્ર રેકેટમાં અન્ય કોણ કોણ સામેલ છે તે અંગે પણ પોલીસે તપાસ શરૂ કરી છે. પોલીસને 500 અને 200 રૂપિયાના દરની 9 લાખ રૂપિયાની નકલી ચલણી નોટો કબજે કરી છે.
SOG/ PCBના માણસોએ વેશપલટો કરી આ વિસ્તારમાં ફેરિયાઓ બની શાકભાજીની લારી, કપડાની લારી, ફ્રુટની લારી, નાસ્તાની લારીઓ ઉપર મજૂર બનીને શખ્સની ઓફિસની આજુબાજુના વિસ્તારમાં રહીને આ શખ્સ ઉપર છેલ્લા બે મહિનાથી વોચ રાખવામાં આવી હતી.
ગુનામાં સક્રિય આરોપી ફિરોઝ શાહ નામના યુવકની ધરપકડ કરવામાં આવી છે. પોલીસે પૂછપરછ હાથ ધરી છે જેમાં માહિતી મેળવવા પ્રયાસ કરાઈ રહ્યો છે કે નોટ કઈ રીતે છાપવામાં આવતી હતો અને તેને બજારમાં વટાવવા કઈ યુક્તિઓનો ઉપયોગ કરવામાં આવતો હતો. પોલીસે ગુનામાં અન્ય લોકો સંડોવાયેલા છે કેમ? તેની તપાસ પણ શરૂ કરી છે.