'ક્રૂ' ફિલ્મની સફળતા બાદ ભારતીય સિનેમાની લોકપ્રિય અભિનેત્રી તબુ હવે આંતરરાષ્ટ્રીય સ્ટારડમની દિશામાં આગળ વધી રહી છે. અભિનેત્રી તબુ 'ડ્યુન' નવી પ્રિક્વલ સિરીઝ 'ડ્યુન: પ્રોફેસી'માં એક અગત્યની ભૂમિકામાં જોવા મળશે. આ સિરીઝ OTT ઉપર રીલીઝ કરવામાં આવશે.
'ડ્યુન: પ્રોફેસી'ની પ્રિક્વલ સિરીઝનું નામ પહેલા 'ડ્યુન: ધ સિસ્ટરહુડ' હતું, અને તે બ્રાયન હર્બર્ટ અને કેવિન જે. એન્ડરસન દ્વારા લખાયેલ પુસ્તક 'સિસ્ટરહુડ ઓફ ડ્યુન' પરથી પ્રેરિત છે. આ સિરીઝ ફ્રેન્ક હર્બર્ટની 'ડ્યુન' યુનિવર્સનો એક ભાગ છે જેમાં પોલ એટ્રાઇડીસના ઉદય પહેલાંના 10,000 વર્ષોની વાર્તા કહે છે. 'ડ્યુન: પ્રોફેસી' બે હાર્કોનન બહેનોની કથા છે, જેઓ માનવજાતના ભવિષ્યને નુકસાન પહોંચાડી શકતી શક્તિઓ સામે લડે છે અને એક તેઓની સામે લડવા એક નવા સંપ્રદાયની સ્થાપના પણ કરે છે જે બેને ગેસેરિટ તરીકે ઓળખાય છે.
જાણવા મળ્યા પ્રમાણે તબુની ભૂમિકા સિસ્ટર ફ્રાન્સેસ્કાની છે, જે 'મજબૂત, બુદ્ધિશાળી અને આકર્ષક' વ્યક્તિ છે. સિસ્ટર ફ્રાન્સેસ્કા વાર્તાનું એક એવું પાત્ર છે જે પોતાની પાછળ એક પ્રભાવ છોડે છે. સિસ્ટર ફ્રાન્સેસ્કા એક વખતે સમ્રાટની પ્રેમિકા હોવાથી, તેઓનું મહેલમાં પરત ફરવું સત્તાના સંતુલનને ખોરવી નાખે છે અને એક પ્રકારનો રાજકીય તણાવ ઊભો કરે છે.
તબુ જેમણે હંમેશા પ્રભાવશાળી અને શક્તિશાળી કીરદારો માટે અભિનય આપ્યો છે તેઓને બેને ગેસેરિટની બહેન તરીકે પરદા પર જોવાનો લહાવો અદભુત હશે. કાસ્ટિંગ કરનાર વ્યક્તિએ પણ આવું જ વિચાર્યું હશે.
'ડ્યુન: પ્રોફેસી' સિરીઝમાં એમિલી વોટસન, ઓલિવિયા વિલિયમ્સ, ટ્રેવિસ ફિમેલ, જોહડી મે, માર્ક સ્ટ્રોંગ, સારા-સોફી બૌસ્નિના, જોશ હ્યુસ્ટન, ક્લોઇ લીઆ, જેડ અનૌકા, ફાઓઇલેન કનિંઘમ, એડવર્ડ ડેવિસ, આયોફ હિન્ડ્સ, ક્રિસ મેસન અને શાલોમ બ્રુન-ફ્રેન્કલિન જેવા કલાકારો પણ છે.
તબ્બુની આ ભૂમિકા માટેની પસંદગી તેમના ચાહકોની સાથે સાથે ભારતીય ફિલ્મ ઇન્ડસ્ટ્રી માટે પણ સારા સમાચાર છે, તેનાથી ભારતીય અભિનેત્રીઓની વૈશ્વિક ઓળખાણની સાથે સાથે ભારતીય ફિલ્મ ઇન્ડસ્ટ્રી વૈશ્વિક ઓળખાણ પણ વધી રહી છે. છેલ્લા થોડા વર્ષોની વાત કરીએ તો દીપિકા પાદુકોણ અને આલિયા ભટ્ટ જેવી સ્ટાર્સ પણ આંતરરાષ્ટ્રીય ફિલ્મોમાં દેખાઈ રહ્યા છે.
હોમ
બ્રેકિંગ ન્યૂઝ
हिंदी समाचार
ભારત
ગુજરાત
ચુંટણી ૨૦૨૪
દુનિયા
રાજનૈતિક
સામાજીક
સિનેમા, TV અને OTT
ઇવેન્ટ્સ
સોશિયલ મીડીયા
કલા અને સંસ્કૃતિ
રંગોના તરંગો
ધર્મ
રમત-ગમત
વેપાર
ટેકનોલોજી
ઇતિહાસ
વાઇલ્ડલાઈફ
લાઈફ સ્ટાઈલ
રસોઈ-વાનગી
વિશેષ વાંચન
સપર્ક
અમારા વિષે
