જમ્મુ-કાશ્મીરમાં વિધાનસભા ચૂંટણી પહેલા કેન્દ્ર સરકારે લદ્દાખમાં પાંચ નવા જિલ્લા બનાવવાની જાહેરાત કરી લદ્દાખ ભારતનો સૌથી ઓછી વસ્તી ધરાવતો વિસ્તાર

જમ્મુ-કાશ્મીરમાં વિધાનસભા ચૂંટણી પહેલા કેન્દ્ર સરકારે લદ્દાખમાં પાંચ નવા જિલ્લા બનાવવાની જાહેરાત કરી 

કેન્દ્રીય ગૃહમંત્રી અમિત શાહે લદ્દાખ કેન્દ્ર શાસિત પ્રદેશને લઈને મોટી જાહેરાત કરી છે. રાજ્યમાં 5 નવા જિલ્લાઓની જાહેરાત કરવામાં આવી છે. કેન્દ્રીય ગૃહ મંત્રાલયે વિધાનસભા ચૂંટણી પહેલા કેન્દ્રશાસિત પ્રદેશ જમ્મુ અને કાશ્મીરમાં પાંચ નવા જિલ્લા બનાવવાની જાહેરાત કરી છે. 

સોશિયલ મીડિયા પ્લેટફોર્મ X પર એક પોસ્ટમાં અમિત શાહે લખ્યું કે, પ્રધાનમંત્રી નરેન્દ્ર મોદીના વિકસિત અને સમૃદ્ધ લદ્દાખના નિર્માણના વિઝનને અનુરૂપ કેન્દ્રીય ગૃહ મંત્રાલયે પાંચ નવા જિલ્લા બનાવવાનો નિર્ણય લીધો છે. શાહે નવા જિલ્લાઓના નામોની પણ જાહેરાત કરી હતી. 

દ્રાસ, શામ, નુબ્રા, ચાંગથાંગ અને ઝાંસ્કર નવા જિલ્લાઓ છે. શાહે કહ્યું કે લદ્દાખના દરેક ભાગમાં શાસનને મજબૂત કરવાથી લોકોને તેમના ઘર આંગણે લાભ થશે. મોદી સરકાર લદ્દાખના લોકોને મોટી તકો આપવા માટે પ્રતિબદ્ધ છે. 2019 માં, લદ્દાખને જમ્મુ અને કાશ્મીરમાંથી અલગ કરીને એક નવો કેન્દ્રશાસિત પ્રદેશ બનાવવામાં આવ્યો હતો. 

 તે સમયે કેન્દ્ર શાસિત પ્રદેશમાં માત્ર બે જિલ્લા હતા-લેહ અને કારગિલ. પરંતુ હવે લદ્દાખમાં વધુ પાંચ નવા જિલ્લાઓ (ઝાંસ્કર, દ્રાસ, શામ, નુબ્રા અને ચાંગથાંગ) બનાવવામાં આવ્યા છે. આ સાથે લદ્દાખમાં કુલ 7 જિલ્લા બનશે. 1979માં લદ્દાખને કારગિલ અને લેહ જિલ્લાઓમાં વહેંચવામાં આવ્યું હતું. 1989માં બૌદ્ધો અને મુસ્લિમો વચ્ચે રમખાણો થયા હતા. 1990ના દાયકામાં જ લદ્દાખને કાશ્મીરી શાસનથી મુક્ત કરવા માટે લદ્દાખ સ્વાયત્ત પર્વતીય વિકાસ પરિષદની રચના કરવામાં આવી હતી. 

તે 5 ઓગસ્ટ 2019ના રોજ કેન્દ્રશાસિત પ્રદેશ બન્યો હતો. લદ્દાખ ભારતનો સૌથી ઓછી વસ્તી ધરાવતો વિસ્તાર છે. લદ્દાખ, જે ચીન અને પાકિસ્તાનની સરહદે આવેલું છે, તેને વ્યૂહાત્મક અને સંરક્ષણ દ્રષ્ટિકોણથી ખૂબ જ મહત્વપૂર્ણ માનવામાં આવે છે. લદ્દાખ પૂર્વમાં તિબેટ, દક્ષિણમાં લાહૌલ અને સ્પીતિ, પશ્ચિમમાં જમ્મુ અને કાશ્મીર અને બાલ્ટિસ્તાન અને ઉત્તરમાં શિનજિયાંગના ટ્રાન્સ-કુનલુન પ્રદેશથી ઘેરાયેલું છે.