ધ ફેમિલી મેન સિરીઝના ચાહકો માટે આનંદના સમાચાર છે, કેમ કે 'ધ ફેમિલી મેન'ની ફ્રેન્ચાઇઝી તેના ત્રીજા સિઝન સાથે પાછી ફરી રહી છે. મનોજ બાજપાઈ અને રાજ & ડીકેની જોડીએ આ નવા સિઝનનું શૂટિંગ શરૂ કરી દીધી છે, જેની ઘોષણા સોશિયલ મીડિયા પર કરવામાં આવી છે.
આ સિરીઝમાં મનોજ બાજપાઈ ફરી એક વાર શ્રીકાંત તિવારીની ભૂમિકામાં દેખાશે, જે દુનિયાની નજરમાં મધ્યમવર્ગીય વ્યક્તિ છે પણ હકીકતમાં ગુપ્ત રીતે રાષ્ટ્રીય તપાસ એજન્સી (NIA)ની એક કાલ્પનિક શાખા ધ થ્રેટ એનાલિસિસ એન્ડ સર્વેલન્સ સેલ (TASC) માટે ગુપ્તચર અધિકારી તરીકે કામ કરે છે જે રાષ્ટ્રીય સુરક્ષાને ઉભા થતા જોખમોને સામનો કરવાની સાથે સાથે પરિવારની માંગણીઓને પણ સંતુલિત કરવાનો પ્રયાસ કરશે.
આ સિરીઝના સર્જક રાજ અને ડીકે છે, જેમણે આ એક્શન થ્રિલરને તેમના બેનર ડી2આર ફિલ્મ્સ હેઠળ બનાવી છે. આ સિઝનમાં પાછલી બે સિઝનના મુખ્ય કલાકારો પણ જોવા મળશે, જેમાં પ્રિયમણિ (સુચિત્રા તિવારી), શરીબ હાશમી (જેકે તલપડે), અશ્લેષા ઠાકુર (ધૃતિ તિવારી), વેદાંત સિન્હા (અથર્વ તિવારી) જેવા કલાકારો શામેલ છે તેમજ નવા કલાકારો પણ જોડાશે જે સિરીઝને રસપ્રદ તો બનાવશે જ અને સાથે સાથે આગળની બંને સિઝનની જેમ દર્શકોને બાંધી રાખશે.
પ્રથમ સિઝનમાં, શ્રીકાંત તિવારી અને તેનો સાથી જેકે તલપડે ભારતમાં આતંકવાદી હુમલાઓને અટકાવવા માટે કામ કરે છે. તેમની ટીમ ઘણા હુમલાઓને અટકાવે છે, પરંતુ શ્રીકાંત એક મોટી ભૂલ કરે છે અને એક નિર્દોષ માણસની હત્યા કરે છે, જેના પરિણામે તેની અંતરાત્મા દોષની ભાવનાથી ગ્રસ્ત થાય છે. બીજી તરફ, તેની પત્ની તેના પરિવાર માટે સમય ન આપવાને લીધે ખુશ નથી, અને તેના બાળકો પણ તેની નોકરીની ઓછી કમાણીથી નારાજ છે, પરંતુ તેઓ તેની સાચી ઓળખ વિશે જાણતા નથી.
બીજી સિઝનમાં, શ્રીકાંત અને તેની ટીમ ભારત પર થનારા એક મોટા આતંકવાદી હુમલાને અટકાવવા માટે કામ કરે છે. આ સિઝનમાં સમાંથા રૂથ પ્રભુની એન્ટ્રી થાય છે, જે સિરીઝમાં મુખ્ય વિરોધી તરીકે છે. આ સિઝનમાં શ્રીકાંત તિવારીની ભૂમિકા ભજવતી આશ્લેષા ઠાકુરના કિડનેપિંગની પણ વાત છે.
ત્રીજી સિઝનની રિલીઝ તારીખ જાહેર થઈ નથી, પરંતુ ચાહકો 2025 માં તેની રિલીઝની આશા રાખી રહ્યા છે. આ શોની પ્રતીક્ષા કરતા દર્શકો માટે, આ સિઝન પણ અમેઝોન પ્રાઇમ વિડિઓ પર જ જોવા મળશે.