વડાપ્રધાન નરેન્દ્ર મોદીએ ઉત્તર પ્રદેશમાં એક રેલીને સંબોધન કરતા કહ્યું હતું કે ઈન્ડી ગઠબંધનના ભાગલા ભાગલા પડી જશે .રાયબરેલીની જનતા પણ તેમને ખટાખટ મોકલી દેશે

ઈન્ડી ગઠબંધનના ભાગલા ભાગલા પડી જશે :પીએમ મોદી 

પીએમ મોદીએ કહ્યું કે, ઈન્ડી ગઠબંધનવાળા સરકાર હટાવવા માગે છે. તેમની ફોર્મ્યુલા છે પાંચ વર્ષમાં પાંચ પીએમ બનાવીશું. 

 આ સમયે તેમણે કહ્યું કે, આ ચૂંટણી દેશના વડાપ્રધાનની પસંદગી કરવા દેશવાસીઓને તક આપે છે. દેશના લોકોએ એવા વડાપ્રધાનની પસંદગી કરવી જોઈએ જે મજબૂત સરકાર ચલાવી શકે અને જેના પર દુનિયાનું પ્રભુત્વ ના હોય, પરંતુ તે દુનિયાને ભારતની શક્તિનો પરચો બતાવે. તેથી તમે જૌનપુરમાં કૃપાશંકરજી અને મછલીશહરમાં બીપી સરોજને મત આપવા જાવ ત્યારે તમારો મત મજબૂત સરકારની રચના માટે થવો જોઈએ. તમે જે મત આપશો તે સીધો જ મોદીના ખાતામાં જશે. જય શ્રીરામ અને હર હર મોદીના સૂત્રોચ્ચાર વચ્ચે મોદીએ ઉમેર્યું કે તમારો ઉત્સાહ બતાવે છે કે ઉત્તર પ્રદેશમાં ઈન્ડી ગઠબંધનને એક પણ બેઠક નહીં મળે