સુરેન્દ્રનગર દુધરેજ નજીક IOC પેટ્રોલ પંપ પાસે ગંભીર અકસ્માત સર્જાયો હતો. ટ્રક અને બાઇક વચ્ચે થયેલી અથડામણમાં ત્રણ યુવાનોના ઘટનાસ્થળે જ મોત

બાઈક લઈને કટુડા જતા ત્રણ મિત્રોને કાળ ભરખી ગયો

યમરાજ બનીને આવેલા માતેલા સાંઢ સમાન ટ્રકે બાઈકને હડફેટે લેતા 3 યુવાનોનો ભોગ લીધો

સુરેન્દ્રનગર દુધરેજ નજીક IOC પેટ્રોલ પંપ પાસે ગંભીર અકસ્માત સર્જાયો હતો. ટ્રક અને બાઇક વચ્ચે થયેલી અથડામણમાં ત્રણ યુવાનોના ઘટનાસ્થળે જ મોત નિપજ્યા છે. સુરેન્દ્રનગર-ધ્રાંગધ્રા રોડ પર આવેલા IOC પેટ્રોલ પંપ પાસે ગમખ્વાર અકસ્માતની ઘટના સામે આવી છે. ટ્રક અને બાઇક વચ્ચે અકસ્માત સર્જાયો હતો. જેમાં બાઈકમાં સવાર ત્રણેય મિત્રોના ઘટના સ્થળે મોત થયા છે. પોલીસે ઘટના સ્થળે પહોચી ત્રણેયની લાશનો કબ્જો લઇ પીએમ અર્થે ખસેડી છે. જેમાં દિવ્યાંશ અશોકભાઈ ઠાકોર ઉમર 17 રહે ફિરદોસ સોસાયટી, ઇમરાન રમઝાનભાઈ મોવર રહે ફિરદોસ સોસાયટી, અને અફઝલ યુનુસભાઈ ખોખર ઉમર 22 વર્ષ રહે ટાવર નજીક આ ત્રણેય મિત્રો દુધરેજ નજીક કટુડા જતા હતા, ત્યારે સામેથી માંતેલા સાંઢની માફક પુર ઝડપે આવતા ટ્રકે જોરદાર ટક્કર મારતા આ અકસ્માત સર્જાયો હતો. જેમાં ત્રણેય યુવાનોના ઘટના સ્થળે જ કમકમાટીભર્યા મોત થયાં હતા. ત્રણેય યુવકોએ જીવ ગુમાવતા તેઓના પરિવાર પર આભ તૂટી પડ્યું હતું.

આ અકસ્માતમાં મોતની ઘટનાના પગલે પોલીસે ઘટના સ્થળે પહોંચી અકસ્માત અંગેનો ગુનો દાખલ કરી વધુ કાર્યવાહી હાથ ધરી છે. પોલીસે ત્રણેય યુવાનોની લાશનો કબ્જો લઇ પીએમ અર્થે સરકારી હોસ્પિટલ ખાતે ખસેડી હતી. બીજી તરફ પોલીસે ફરાર ટ્રક ચાલકને ઝડપી એ ડિવિઝન પોલીસ મથકે લાવવામાં આવ્યો હતો