આજે 21 મે આંતરરાષ્ટ્રીય ચા દિવસ કટીંગ ચાથી લઈને મિત્રો સાથે ચા પીવાનો અનેરો આનંદ હોય છે દુનિયાના દેશોમાં અનેક પ્રકારની ચા પીવામાં આવે છે

આજે 21 મે આંતરરાષ્ટ્રીય ચા દિવસ 

પળને પકડી ઝૂલી લઈએ,જુની યાદો તાજા કરી લઈએ.

ચાલનેથોડા હળવા ફુલ થઈએ..

સાથે જઈ ચા ની મજા લઈએ …

ચાની ઘણી જાતો છે, જેમાં સૌથી વધુ લોકપ્રિય જાતો કાળી ચા, લીલી ચા, પીળી ચા, ડાર્ક ટી અને ઓલોંગ ચા છે. ચા ખૂબ જ લોકપ્રિય છે કારણ કે તે તેના પીનારાઓના જીવનની ગુણવત્તામાં સુધારો કરે છે.ચામાં ભરપૂર માત્રામાં એન્ટીઓક્સીડેન્ટ હોય છે, કેટલીક ચા ડીટોક્સ માટે સારી હોય છે. તે હાર્ટ એટેકનું જોખમ ઘટાડે છે, હાડકાંનું રક્ષણ કરે છે અને વજન ઘટાડવાના આહારનો મહત્વપૂર્ણ ભાગ પણ બની શકે છે.

અગાઉ ભારત, શ્રીલંકા, નેપાળ, વિયેતનામ, ઇન્ડોનેશિયા, બાંગ્લાદેશ, કેન્યા, મલેશિયા અને તાન્ઝાનિયા જેવા ચા ઉત્પાદક દેશો 2005થી 15 ડિસેમ્બરે આંતરરાષ્ટ્રીય ચા દિવસ ઉજવે છે. 2015માં સંયુક્ત રાષ્ટ્રને સાચા અર્થમાં વૈશ્વિક દિવસ તરીકે ગણવા માટે એક પ્રસ્તાવ મોકલવામાં આવ્યો હતો અને સંયુક્ત રાષ્ટ્રએ તેને 2019માં મંજૂરી આપી હતી. મોટાભાગના દેશોમાં મે મહિનામાં ચાનું ઉત્પાદન થાય છે, તેથી આજનો દિવસ પસંદ કરવામાં આવ્યો હતો.