દેશમાં લોકસભા ચૂંટણીના ત્રીજા તબક્કાનું મતદાન થયું પૂર્ણ,અમદાવાદમાં શાંતિપૂર્ણ માહોલ વચ્ચે મતદાન સંપન્ન દેશમાં ત્રીજા તબક્કામાં 5 વાગ્યા સુધીમાં સરેરાશ 60 ટકા મતદાન અસમમાં સૌથી વધુ 73 ટકા મતદાન થયું મહારાષ્ટ્રમાં સૌથી ઓછું 62 ટકા મતદાન થયું ગુજરાતમાં 5 વાગ્યા સુધીમાં 55.22 ટકા મતદાન

Lok Sabha Election-2024 Third Phase Voting Percent : લોકસભા ચૂંટણીના ત્રીજા તબક્કામાં આજે 11 રાજ્યો અને કેન્દ્રશાસિત પ્રદેશોની 93 બેઠકો પર મતદાન ચાલી રહ્યું છે, ત્યારે ત્રીજા તબક્કામાં લોકશાહીના પર્વનો ભારે ઉત્સાહ જોવા મળી રહ્યો છે. 

આજે ગુજરાતની 25 બેઠકો, મહારાષ્ટ્રની 11, ઉત્તર પ્રદેશની 10, કર્ણાટકની 28 માંથી બાકી રહેલી 14, છત્તીસગઢની સાત, બિહારની પાંચ, બંગાળ તેમજ આસામની ચાર-ચાર અને ગોવાની બે બેઠકો પર મતદાન ચાલી રહ્યું છે. આ ઉપરાંત દમણ-દીવ અને દાદરા નગર હવેલીની બન્ને બેઠકો પર તેમજ મધ્ય પ્રદેશની 9 બેઠકો પર પણ ત્રીજા તબક્કાનું મતદાન થઈ રહ્યું છે. સાંજ સુધીમાં ત્રણેય તબક્કાનું મતદાન પૂર્ણ થયા બાદ દેશની કુલ 280 બેઠકો પર મતદાન સંપન્ન થશે. ત્યારબાદ બાકીના ચાર તબક્કામાં 263 બેઠકો પર મતદાન થશે.

 ભાજપે વિદિશાથી પૂર્વ મુખ્યમંત્રી શિવરાજ સિંહ ચૌહાણને ટિકિટ આપી છે. તેમની સામે કોંગ્રેસના ઉમેદવાર ભાનુ પ્રતાપ શર્મા ચૂંટણી મેદાનમાં છે. જ્યારે ભાજપે ગુનાથી કેન્દ્રીય મંત્રી જ્યોતિરાદિત્ય સિંધિયાને ટિકિટ આપી છે. તેમની સામે કોંગ્રેસે રાવ યાદવેન્દ્ર સિંહને મેદાનમાં ઉતાર્યા છે. કર્ણાટકમાં ધારવાડમાં ભાજપના ઉમેદવાર પ્રહલાદ જોશી અને કોંગ્રેસના વિનોદ અસુતી, હાવેરીમાં ભાજપના બસવરાજ બોમ્માઈ વિરુદ્ધ કોંગ્રેસના આનંદ સ્વામી ગદ્દાદેવરામથ અને આસામમાં ધુબરી એનડીએના બદરુદ્દીન અજમલ વિરુદ્ધ ભારતના રકીબુલ હસન ચૂંટણી મેદાનમાં છે.

આ વખતે લોકસભા ચૂંટણી 2024 સાત તબક્કામાં યોજાઈ રહી છે. પ્રથમ તબક્કા માટે 19મી એપ્રિલે અને બીજા તબક્કા માટે 26મી એપ્રિલે મતદાન થયું હતું અને આજે ત્રીજા તબક્કામાં 11 રાજ્યોની 93 બેઠકો પર મતદાન થશે.

અસમમાં સૌથી વધુ 73 ટકા મતદાન થયું, મહારાષ્ટ્રમાં સૌથી ઓછું 62 ટકા મતદાન થયું, ગુજરાતમાં 5 વાગ્યા સુધીમાં 55.22 ટકા મતદાન