ગુજરાતની જીવાદોરી સમાન સરદાર સરોવર નર્મદા ડેમની સપાટીમાં સતત વધારો , 76 ટકા ભરાયો

ગુજરાતની જીવાદોરી સમાન સરદાર સરોવર નર્મદા ડેમની સપાટીમાં સતત વધારો , 76 ટકા ભરાયો

 ગુજરાતની જીવાદોરી સમાન સરદાર સરોવર નર્મદા ડેમની સપાટીમાં સતત વધારો થયો થઇ રહ્યો છે. જેમાં રવિવાર સાંજે પાંચ વાગે સુધીમાં ડેમની સપાટી 131.48 મીટરે પહોંચી છે. જેમાં પાણીની આવક 45252.00 ક્યુસેક છે. જ્યારે પાણીની જાવક 2899.00 ક્યુસેક છે. છેલ્લા 24 કલાકમાં પાણીની સપાટીમાં 57 સે.મી.નો વધારો થયો છે. જેના પગલે પાણીનો સ્ટોરેજ 76.76 ટકા થયો છે.

રાજયમાં 22 ડેમ હાઇએલર્ટ પર 15 ડેમ સો ટકા ભરાયા

જ્યારે ડેમની મહત્તમ સપાટી 138.68 મીટર છે. તેમજ ઉપરવાસમાંથી સતત પાણીની ભારે આવક થવાને કારણે ડેમની સપાટીમાં નોંધપાત્ર વધારો જોવા મળ્યો છે. આ ઉપરાંત રાજયમાં 22 ડેમ હાઇએલર્ટ પર છે અને 15 ડેમ સો ટકા ભરાયા છે.

રાજકોટ તાલુકામાં 2.72 ઇંચ વરસાદ નોંધાયો

જ્યારે રાજ્યના સ્ટેટ ઇમર્જન્સી ઓપરેશન સેન્ટર દ્વારા રવિવારે સવારે 6:00 થી સાંજે 4:00 વાગ્યા સુધી નોંધાયેલા વરસાદના આંકડા મુજબ રાજ્યના વિવિધ જિલ્લાઓમાં હળવાથી મધ્યમ વરસાદ નોંધાયો છે. સૌથી વધુ 69 મિ.મી. (2.72 ઇંચ) વરસાદ રાજકોટ તાલુકામાં નોંધાયો છે.

કચ્છના મુન્દ્રામાં 27 મિ.મી. વરસાદ નોંધાયો

પ્રાપ્ત માહિતી અનુસાર રાજકોટ જિલ્લાના પડધરીમાં 38 મિ.મી., વાવ-થરાદ જિલ્લાના દિયોદરમાં 33 મિ.મી., અરવલ્લીના મોડાસામાં 31 મિ.મી. અને કચ્છના મુન્દ્રામાં 27 મિ.મી. વરસાદ નોંધાયો છે. આ ઉપરાંત વાવ-થરાદના ધરણીધર વિસ્તારમાં 25 મિ.મી., જ્યારે સુરતના ઉમરપાડા તથા જૂનાગઢ શહેરમાં 23-23 મિ.મી. વરસાદ નોંધાયો છે.

ખેડૂતો અને જળાશયો માટે અનુકૂળ સ્થિતિ સર્જાઈ

વલસાડના કપરાડામાં 17 મિ.મી., પાટણના રાધનપુરમાં 16 મિ.મી., બનાસકાંઠાના ઓગડમાં તથા સુરતના બારડોલીમાં 14-14 મિ.મી. વરસાદ નોંધાતા ખેડૂતો અને જળાશયો માટે અનુકૂળ સ્થિતિ સર્જાઈ છે.